منبر العربHyde Park

قصيدة بابا يا حبيبي| اسماء طنوس
انشر عبر الفيسبوك طباعة ارسل لصديق

قصيدة بابا يا حبيبي| بقلم: اسماء طنوس


بابا يا حبيبي

يا حُبّي أنا

لمّا بتبـقى جنـبي

بَحِـسّ بهَـنا

كِلماتَك رقيقه

باخُذها نصيحه

وهالبسمِه البريئه

بِتريِّحني أنا

_________

ولمّا بتحكي كِلمِه

الكلمِه مسموعه

لمّا بِتقولهالي

عَالرّاسِ مرفوعه

كِلماتَك غَنِيِّه

ومن أجملِ هديِّه

بَهديك التحيِّه

عَطولِ السنه

_________

لَوْ مَرَّه زَعَّلتَك

بَيّي سامحني

وأنا بَعرف قلبَك

ما بيِزعل مِنّي

قلبَك المحبِّه

تِبقى لي يا حُبّي

وبَصَلّي لَربّي

تَيْخَلّيك لِنا

 موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان:alarab@alarab.com 

إقرا ايضا في هذا السياق:

كلمات دلالية
اسماء طنوس