المجتمـع بَطَّـل نظيـف ___ لَمّـا الفسـاد انتشـــر
واختفى القلب الشريف___ والعنفِ ساد البشــر
___________________________
الأخـو عم يقتل خَيُّـه ___ بِلا إحساس و ضمير
يمكن أخوه من دمُّـه ____ما هَمُّه شو ما بيصير
أو جارُه وإبن عَمُّـه ____ معنــاهُ قلبُــه ضـريـر
أوْ غريب وما هَمُّـه ____ قلبُه تصلَّب كالحجر
___________________________
ضيقة خُلْق بهايِ الناس___ ماتت فيــها الحِنِّيِّــه
وقلوبها صابـها يَبـاس ___أرضا حجارصخريِّه
ما فيها ذرّة إحســاس ___ ولا مشاعـر أخوِيِّــه
لُغَتهُم صوت الرّصاص__ جابوا لإلنـا الضّجــر
___________________________
ليه بتختـاروا جَهَنَّـم ___ وسيِّدكم أصبح إبليس
ليه عليـكو بيِتـحَكـِّم ___ ليه لاحقينُه هَالخسـيس
هذا الشيطان الأبكم ___ بيظلّه حَوِاليكو يحيـص
إتبع رَبَّك الأعظـم ___ بتــلاقي الشــر انكســر
إقرا ايضا في هذا السياق:
- زجل المسيحُ صخرتي نوري وحصني بقلم:اسماء طنوس المكر
- زجل لايُكسَر الشر بالشر ولا يُداوى العنف بالعنف بقلم: اسماء طنوس المكر
- زجل انتَ المُخَلِّص- بقلم: اسماء طنوس المكر
- زجل لشهر نيسان طلّت عُيونُ الزّهْر بقلم :اسماء طنوس المكر
- زجل لكِ يا أُمي بقلم: اسماء طنوس المكر
- زجل ما هو الحب بقلم: اسماء طنوس المكر
- زجل لشهر شباط بقلم :اسماء طنوس المكر
- زجل عالجوا العنف بالموسيقى بقلم:اسماء طنوس المكر
- زجل وين الأهل- بقلم :اسماء طنوس المكر
- زجل للعذراء مريم صلّي يا أمّي للبشرِيِّه بقلم:اسماء طنوس المكر
