أعلنت النجمة اللبنانية هيفاء وهبي عن إنتهاء تصوير مسلسلها الجديد "أسود فاتح"، والذي كان من المقرر عرضه خلال الموسم الرمضاني الفائت لكن توقف التصوير بسبب جائحة الكورونا حال دون ذلك.
.jpeg)
هذا، ونشرت هيفاء مجموعة صور وفيديو عبر مواقع التواصل الاجتماعي محتفلة بانتهاء التصوير، وكتبت معلقة في نهاية هذا العمل:"المخرج كريم العدل ... ما في كلام بيوفيك حقك !
انا مبسوطة وفخورة اننا اشتغلنا مع بعض ، واني كنت تحت اشرافك الاحترافي!
ما بنساك ابدا وانت بقلبي .
هالمسلسل عرفني على شخص صار مهم بحياتي ولاول مرة بتصير معي وبتتحول تجربة عمل لعشرة وارتباط قوي
الذ واشطر واهضم واطيب مخرج شفته بحياتي!
عشنا 7 شهور مع بعض , بلشنا كفريق عمل مصري، سوري، لبناني وما حدا فينا بيعرف التاني وخلصنا تصوير ونحنا عيلة كبيرة متعلقة ببعض بطريقة دافية وسحرية!
يمكن لانه الوقت الصعب والحلو الي قطعنا فيه كان فيه كل شي، تعبنا سوا واكلنا سوا وجعنا سوا وضحكنا سوا ونعسنا سوا بردنا كتير سوا وشوبنا كتير سوا!
كل الناس تعبت واجتهدت، كلهم محترمين ومحترفين لدرجة مش عادية
اتعرفت على ممثلين رائعين صعب الواحد ينسى المواقف معهم ، قديه الواحد فعلا بيكون فايته كتير لما هيك ناس ما يكونوا بحياته !
اذا بدي احكي بدي اكتب كتير لأعبر قديه انا متأثرة اني اتعرفت عليكم وانه انتهت الايام الي كنت شوفكم فيها كل يوم.
انا محظوظة اني مرقت بهالتجربة معكم .
شُكرا استاذ صادق الصباح على ثقتك و احتواءك و طيبة أخلاقك.
شُكرا انور الصباح لكرمك وتفهمك.
شكرا هيثم حسني لانك رائع ومبدع واتحملت كتير والاهم دلع الاسبريسو.
شكرا كرو التصوير على تعبكم وسهركم .
بودي رح اشتاق لما كانوا بندهولك على صوت عالي بوووودييي!
شكرا يا نانسي يا صديقة قلبي من جوا!
شكرا امين جمال #اسود_فاتح قصة حقيقية بتحكي الواقع من خيالك الخلاق الي عرفني على "رانيا" بطلة قصتك!
شكرا كرو الإضاءة على صبركم وتحملكم
شكرا لمهندس الصوت كريم الي من دونك ما الو معنى الحوار.
شكرا لفريق الديكور والراكورات والحوار وهندسة ااصوت.
شكرا لاخواتي ساندرا وعليا و مومو وناسا وطبش وبطة وجريس ونبيل ونسمة ومايك!
شكر كبير لفريق الانتاج عالاهتمام والكرم
شكرا لكل فنجان قهوة انعملي من القلب من احلا بوفيه ؛ لكل شخص كوالي قميص واهتم وتعب معنا!
شكرا عالتفاصيل، عالصبر و عالتشجيع !
شكرا سوريا ومصر ولبنان
شكرا لكم جميعا وللكلام تكملة...
كريم العدل برجع بقلك انت غالي!
وبالتوفيق لنا جميعا ..رح اشتقلكن كتير..فركش".
.jpeg)
إقرا ايضا في هذا السياق:
- هيفاء وهبي تطلق التحذير الأخير: سأقاضي كل من ينتحل شخصيتي
- هيفاء وهبي: لن أتلقى لقاح فيروس كورونا!
- ما هي آخر تطورات قضية هيفاء وهبي ومحمد وزيري؟
- مفاجأة هيفاء وهبي: شي حلو وملوّن!
- أحلام تهنئ هيفاء وهبي بـ"أسود فاتح"
- هيفاء وهبي وربطة الخبز-زهير دعيم
- هيفاء وهبي ترفع منسوب التشويق لأسود فاتح
- صورة| هيفاء وهبي.. وجه الأمل لبيروت
- هيفاء وهبي تحقق انتصارًا جديدًا على الوزيري والمحكمة تقضي بحبسه مجددًا لـ15 يومًا
