من بعد ما العالم غِرق في بحرِ منِ الفساد
وزادت شرورُ الناس بالاعمال تَنهُم كفروا
وضاعوا بهموم الدِّني كلها بأطماعِ العِباد
وعاشوا بضغوط كبيرِه فيها حتى اتفجَروا
قِلبَتِ الدّني مِثلِ الجحيم في أنحاءِ البـلاد
حـرب وقتـل وسـلاح وعَالبعـضِ تآمـروا
والكل ضــمـيرُه باع ومِشـيوا في العِنــاد
وإخوِه ما بيشوفوا بعض وقلوب تسَــكّروا
وِحبالِ الوصلِ اتقطّعِت وصاروا بعاد
وماتت فيهم الرحـمِـه وِقلـوب تحَـجّــروا
وما عاد في سُلطة أهل عَتَربِيِة الاولاد
رِبيوا على سمــومِ وخمِـر تنهُـم يِسكــروا
ودُوَل مع دُوَل بِحروب لا حِكمِه ورشاد
وناس عم بتموت بسببهم وما فيهم فكّـروا
ولمّا طفـح الكيل وأغضـبوا ربَّ العِبـاد
وشاف الظُّلـم والعـار بِقلـوب ما تغـيّـروا
وحتّى يأدِّب البشر نَزَّل عليهم داء
حبسـهم في ديـارهـم وعَـحالـهُم سَكّــروا

موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان:alarab@alarab.com