يوم عيد الله جاني الخبر في وسط الأسبوع....وانقطع صوتي وانهمرت الدموع ....ساعة الخبر بكت السماء ,مطرها دموع...وقلبي كان يحترق بين الضلوع....حزن وأسى على أب على حبيب وينبوع .....مات أبي , فانطفأت تلك الشموع....فبدأت رحلة الأحزان والحزن في أيامي شاع.....ما هنا لي زاد ولا حسبت الجوع...أبيت على طيفه وأصحو على خدي دموع ******المتاعب والمصائب بعدك  من كل نوع …..بس موتك يا أبي مش أي
نوع .....بعد موتك يا أبي وقف الزمن …..والثواني من زماني صارت يا بوي أُسبوع ……والليالي آه ياغالي صارت بحيرة دموع….. بعد موتك يا سبع السبوع ……من حياتي صرت يا بوي قنوع ....والبسمه يا حياتي  من حياتي اختفت ….والفرح من با ب بيتنا مر وما التفت …......كنت غالي وحنو ن وكنت نشمه…..حتى صوتك بعد موتك صار نغمه….في حياتي أحلى نغمه …..أسمع صوتك لفّ جسمي مثل نسمه……يبتسم من جوا قلبي أحلى بسمه……بس يابا على خدي من عيني سال دمعه صارت  دموعي بحور وأحزاني شراع........دنيتي بعدك  يا بوي أخاف عليها من الضياع .....أبي يوسف,كنت إلي حامي وراع .....كنت عزوتي وكنت حصني والقلاع .....يا قمر ليلي يا شمس وشعاع …..أبي ,يا صاحب  القلب الحنون ….المتاعب كانت خفيفه بوجودك ,…..حتى المصايب ,مثل قولتك (بهوّنها الله وبتهون ) ....الله ربي يسكنك جنات الفردوس  وساع ....بين أنهار وأغصان وفروع....عند ربي خالق الكون المطاع.....ودّعتك يا أبي والقلب دامي .....ودّعتك يا أبا نادر جد  حسام....ودّعتك للأبد وأودعتك دمي وعظامي.... ودّعتك يا غالي قبل الشروق ....ووعدتك ألآ أنساك ما سال الدم في عروقي.....ودّعتك يا أبي وسط المطار .....وعاهدتك أن أصون عهدك يا مغوار.....يا أبا فارس جد لبنى  يا أساس البيت ويا عمود الدار).....عاهدتك ودمعي  ساكب  عالخدود....وإنت عارف ونا عارفه بينا ما في حدود ......كنت أنظر في عيونك الجميله .....بيني وبينك أحسد أُمي على هالجوز الودود.......وإنت عارف ونا عارفه بينا ما في حدود.....كنت تسمع ومني تقنع ....,طولت بالك والله ماإلها حدود.....ويوم أزعل عني تغفل ....والله يابا رجعت من الشغل حيلي  مهدود...بس أنظر في عيونك .... ترتسم عالثم بسمه وتوخذ بوسه من الخدود ...وإنت عارف والله يشهد بينا ما في حدود.....لا تفارقني يا بوي  لا تغيب .....نفسي أشوفك الصبح وعند المغيب....منت عارف إنت ما بعدك حبيب