Share this link via
Or copy link
زجل لعيد ميلاد اياد أبن راشد طنوس – ابن اخي بقلم :اسماء طنوس المكر
يــا إيـاد الطــنــوســي
الحكي إلَك خُصوصي
جـايي أهنّـيـك بالعـيـد
عيونَك بالله محروسِه
************
كُل المحاسن مِعطيك
رَبّي بِجفونُه مغَطّيك
وِمخبّيك برِمشِ العين
تَنّو ما حَدى يِأذيك
************
يا بِــن أخي يا فنّــان
وعازف العودِ كمان
لمّا تغــنّي بتِـطربنـا
صوتَك بيشنِّف آذان
************
بعيدك جاناالمطر جديد
والبَشــايِر مِنِ بـعيـد
والدّنـيي جايي تهنّيـك
وتقولّـك عيـدَك سعيـد
************
وِالزّيتــونِ بخَيــراتُــه
جاي وحامــل بَركاتُـه
الله يباركلـك وِيزيــد
وعُمرَك تزيد سنواتُـه
************
بتعمل الحمُّص والفول
بالطعِم أطيب مأكـول
من إيـديـن معـدّلات
طَعمُه شَهي مِش معقول