أنجز الموسيقار المصري المعروف " أحمد الموجي" تلحين أغنية " فلسطين بلادي الأبية " من كلمات الشاعر كمال ابراهيم وأداها الفنان أحمد بصوته بمرافقة العزف على آلة العود ببراعة وإتقان .

اليكم نص الأغنية مغناة بصوت الفنان أحمد الموجي مسجلة عبر الفيديو التالي ، يوتيوب :
فلسطين بلادي الأبية
كلمات الشاعر كمال ابراهيم
فَلسطين بْلادِي الأبيِّة
رجالَه مَا يْهَابُوا الحِيفْ
قهْوِتْنَا العَرَبِيِّة
نْقَدِّمْهَا كرمَالِ الضِّيفْ،

احنَا أهْلِ الكَرَامِة
بْوَسْطِ مَدِينِة ورِيفْ
الله يِحْمِي وَطَنَّا
وْيِحْمِي هالقُدْسِ الشَّرِيفْ،

حيفا وطبريا وبيسانْ
ما ْنِنْسَاهن بالزَّمانْ
سَعْسَع والجاعونِة ...و كُفرِ عْنانْ
تاريخهن دايمًا منصَانْ

غزة و الضفة واللي منها
قصة كفاح على جبنا
ياللي رفعتوا راسنا لفوق
وبأرواحكم تفدوا وطنا

فَلسطين بْلادِي الأبيِّة
رجالَه مَا يْهَابُوا الحِيفْ
قهْوِتْنَا العَرَبِيِّة
نْقَدِّمْهَا كرمَالِ الضِّيفْ،