وصلت الى موقع العرب، هذه الرسالة من فتاة تطلب نشر رسالتها.
موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

صورة للتوضيح فقط

انا فتاه عمري 18 اخت لثلاث اخوه وثلاث اخوات من الجنوب , هذه ليست مشكله بس حابه افضفض همي لكم بلكي اخفف من تعبي : انا بنت متل البنات الي حابه تتعلم والحمد لله علاماتي عاليه بفضل الله بس شو احنا وضعنا الاقتصادي في الحضيض مستوى هابط على الاخر لانو ابوي ما يشتغل قاعد بالدار وامي تصرف على البيت ابوي صارلو 10 سنين ما اشتغل شغله منتكل على امي ويا حرام امي من ما خلقت على الدنيا وهي متعوب بالهاعند اخوالي وعند ابوي وقضت عمرها بالشموس يلله تشتغل بكل شي تشتغل وابوي قاعد ولا هامو وهي تدفع المي والكهربا والاكل وهو بس ياكل وفوق هاض يوم يوم لازم يتغاوشو بالحكي وانا متعوب بالي اخواتي مجوزات وانا كل سنه بطلع اشتغل معاها بالفلاحه وباي شي ما في شي ما اشتغلتبو البصل الثوم المانجو والعنب كل شي وما حد عنا بالبيت ايحس مع التاني بس اعطيهم اكل ونوم وهوش والله انا عم بشتغل لجل التعليم ولكو اقرفت الزلام كلها واخذت عبره انو الي ما تتعلم ما الهاش وجود ورح اشتغل لو بالحجار عشان اتعلم لو شو ما صار ايصير وامي دايما اتشجعني لانو بحياتو ابوي ما فرحها لو بطلعه منيحه ولا مره سافرت ولا شي من شغل بره لشغل البيت وهيك قضت العمر مع ابوي , انا الي بيشوفني وبقعد معي بيفكرني من عيله مثقفه وفوق فوق لانو من الاساس انا بحب التعليم وبحب التثقف وبحب كل شي وكتير متواضعه بس والله انو كل يوم ببكي على امي وعلى حالي لانو عن جد بتمر ايام شيكل ما في بالبيت ....