أبرز ما جاء في الرسالة:

غلطت مع فتاة تانية خلال رحلة الي مع الاصدقاء خارج البلاد

من شدة خجلي واحتقاري لذاتي ما قدرت اواجه حبيبتي بالحقيقة وعشان هيك خبرتها بالانفصال وإني بطلت الخطوبة

وصلت الى موقع العرب رسالة من شاب يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:

انا شب في الثلاثينات من عمري، كنت حابب بنت وخاطبها وفش منها، وبصراحة مرّة وبلحظة ضعف غلطت مع فتاة تانية خلال رحلة الي مع الاصدقاء خارج البلاد، ومن شدة خجلي واحتقاري لذاتي، ما قدرت اواجه حبيبتي بالحقيقة وعشان هيك خبرتها بالانفصال وإني بطلت الخطوبة. تركتها كتير مجروحة وحزينة ومش فاهمة الله وين حاططها، بس أنا شب صادق بعلاقتي، ومن كتر حبي الها، ولاني ما بدي تكتشف موضوع خيانتي الها، ولانه الغلطة كانت مرة بس ومش رح تتكرر، تركتها.

انا عارف انها اسا موجوعة لانه تركتها خبط لزق، بس رح تنجرح اكتر لو خبرتها بالحقيقة. حتى اذا بدها تسامحني انا مش قادر اسامح حالي. هي شو ذنبها أخونها؟ كيف بدي اطلع بوجها؟ صدقوني انا عندي جرأة أعترفها باللي صار بس خايف تنجرح أكتر. يا ريت تنصحوني شو أعمل؟

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.net