وصلت الى موقع العرب، هذه الرسالة من فتاة تطلب نشر رسالتها.
موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

مرحبا انا بنت من الشمال متجوزه بدي ابلش معكو قصتي من الاول انا حبيت شخص واجا طلبني وابوي وافق وتجوزنا وكان كتير منيح معي وشو بدي بعمل وشو بطلب بعطيني ان طلبت عيونو بعطيني اياهن ومرق 4 سنين على زواجنا وبعدو فش عنا ولاد رحنا عالدكتور قلي في عندك مشاكل جوزي قلي بهمش وبتهون بس هو اتغير معي كتير هو منيح معي اه بنكرش بس تصرفاتو تغيرت بطل يحب يقعد كتير بالبيت وحتى عوقت الغدا قليل ما بتغدا معي وبالليل بتاخر تيروح وبشوفوش الا يمكن ساعه وتحملت وبالسنه التامنه من زواجنا انا اكتشفت انو متزوج صرلو سنتين وعندو ولد منها انا سكتت ومحكيتش عشان بديش اخرب بيتي بس خلص مش غادره اتحمل شيلي يعني هو كل يوم بتغير اكتر معي يعني للاسوء ونسي الحب الي كان بينا وانو كان يتمناني ويضل يقلي انت نفسي وحياتي وروحي وفعلن انا كنت هيك بس اسا انا بالنسبه الو ولااشي وكل يوم بتعزب اكتر عن اليوم الي قبلو وصرلي 4 سنين بتحمل قساوتو وصرلي سنه متحمله فكرة زواجو بس هو بعرفش اني بعرف وبجيش بالليل عندي يمكن بنام ببيتي يوم بالجمعه عشان ماشكش هو بعمري ما ضربني ولا مد ايدو علي بس انا كمان بني ادمي وبحس انو ميحكيش معي غير عالمناسبات ميقعدش معي وبيوم رحت عالدكتور وقلي انت حامل وانا اسا حامل بس يا خساره بعد شو انا كنت بدي الولد مشان زوجي بس اسا عندو ولد وبفكر اني اتطلق وانا بربي الولد لحالي وبديش اقلو عهاد الخبر لو انو اجا قلي بدي اتجوز واحترمني ومعاملنيش معامله قاسيه الي هي تطنشني ويعاملني كغريبه كان ممكن اتقبل بالوضع بس هو بستاهلنيش ولا بستاهل انو يكون اب والي متدايقه اكتر علي انو احنااخدنا بعض عن حب وهو كان يحبني اكتر من حالو اكتر من اهلو يحارب مشاني وبالاخر متحملش غير اكم سنه وراح اتجوز ولا شو رايكو