لا تِتعوَّد عالتّدخين --- عِشقُه خَطَر يا مسـكين
للصِّحَّه إلو أضرار--- ما بتِخلَص مِنّو بسنيـن

لَوْ بِتـفــكِّرِ شـوَيِّــه --- رايِح تِتِــركُه عَطـــول
هُــــوِّ أكـــبر بَــلِيّـِـه --- بِيصُـدَّك عنِ المأكــول
الصِّحَّه من ألله هديِّه--- ترفُضها ما هو مَقـبول
لَوْ خسِرتا يا خَيِّــي--- عُمرَك بيِــنقَـص سنــين

والصّحّه فيها الحياه --- ما بتِتـعوَّض بالأمــوال
بالأكلِ وشُربِ المياه---راح بتعيش سنين طوال
لا تقول ما بَقعُد بَلاه--- فِيّــو بِتْســوء الأحــوال
واللّي جرّبُــه لاقــاه--- أكــبـــر عَـــدُوٍّ لَـعـيــن

السّيجاره لَذّه بِتِغريك--- بيِتْعلَّق قلبـــك فيـــها
وِبمُتعِتها راح تِهريـك--- لَو بِتْــداوِم عـــليــها
والمرض بِيطُبِّ فيك--- لَمّــــا بِتْجُـــرَّك ليـها
يا خَيّي ربّي يهديـك--- بِشْباكا عِلقوا مْجانين

لا جسِم فيها ســليـم---الضّغطِ ارتفع بِالِقلوب
جابتلُه مرض أليــم --- الصِّحَّه بَلَّشتِ تذوب
واللّي تَرَكها بنعيـم ---أصبح غالِب لامغلوب
والِمداوِم هُوَّ السّقيم--- تصَلَّب دمُّه بالشّرايين

الصِحَّه غاليه
لا للتدخين والسُّكُر والأرجيله

الصِّحَّـه تـاج الرّاس كــــيـف بْتِربـــــَـحا
لَوْ صُنْـتا من أَمراض راح تِبـقى بَرِيِّه
وشَهوات الل بِتْـضُرّ لَوْ فيـكَ تِكْبَـحا
وتِبعِـدْ عنِ التّدخيــــن وأراجيـل لَيــــــــْلِيِّـــــه
والصِّحَّـه بَدْهـــــــا رْعايِــــه لازِم تِمْنــــَـحا
بتِرتاح من صُـداع وأوجــــــــاع رأسِـــــيِّـه
واتـــرُك هُمــــــــــومَ القـــلـب لَـوِ بْتِســــمَحـا
ولا تْعـود لِلتَّـدخــــــــين وِتْصيبــــَـك أَذِيّــــِـه
هَمَّك مَعِ التّفكير بيجيـبِ لَـك قُرْحَـــه
وبيصــيـر بَـــــــدَّك دَوا مـنِ الفرمــــاشِـــــيِّـه
وبِالسُّكْرِ بِتْصير صورتَك ما اقْبَـــحا
بتِخسَر تَوازُن جسمَك وِالصّحَّه القويِّـه
والمِعْدِه لمّـا بتِسْــــكَـر رايِـــــح تِجْـــــرَحـــا
وتِخسَــــرِ اللّـي نِلْتُـــــه من رَبَّـــــــك هِدِيِّـــهِ
لَوْ بالسُّموم علِقْت في بَحْرا بتِصْبَحا
وراح يُغْدُرَكِ البَـــحر وأمـــواجُـه العَتــــِيِّـه
وبِالصِّحَّه وِالعافيه بَس رايِـح تِفْرَحـا
وتُشكُر رَبَّكِ اللي وَهَب هَالطَّلِّه البَهِيِّه
 

موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان:alarab@alarab.net