أبرز ما جاء قي رسالتها:

 انا مش دارسة ولا متعلمة  لشو بغارو مني طيب مع انه هني معلمات وبدرّسوا اجيال معقول هيك مش كاينه الاقي سبب لغيرتهن

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

عندي سؤال ليه السلفات بغارو من بعض شو السبب؟؟؟ انا عمري 19 وعندي سلفتين وحده عمرها 40 والتانية عمرها 25 ، انا كتير بحترمهن وبعتبرهن متل خواتي ولكن مش عارفة ليه وفجأة تغيروا كتير معي باسلوبهن وطريقة معاملتهن وكلامهن من غير سبب عمالي بفكر اذا انا كنت مضايقتهن بشيء بس لا ما في ابدا، سالت سلفي الكبير هو متل اخي وانا بحترمه كتير انه ليه تغيروا 100 درجة عن قبل، جاوبني (الغيرة ) وبعدين ما حكى اشي ، بس اللي انا مستغربه منه انه ما في شيء عندي يغارو منه، انا ما صارلي عرس وما لبست الفستان الابيض متلهن حتى انا مش دارسة ولا متعلمة ،  لشو بغارو مني طيب ، مع انه هني معلمات وبدرّسوا اجيال معقول هيك ، مش كاينه الاقي سبب لغيرتهن مع اني انا ما بغار منهن ابدا وبتمنالهن كل خير والله، بس ليش هيك الغيرة قاتلتهن ومن شو مش عارفة ، ومش عارفة كمان ليه السلفات بغارو من بعض وكتير كمان مش قليل .

صورة توضيحية

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي:alarab@alarab.net