كان في زيز للنملة جار
بغني وعايش عالاشجار
بفصل الصيف لا شغلة ولا عملة
قاعد عالشجرة برقص وبغني
والنملة تحته بتجمع الغلة
وبيوم ضحك الزيز وقهقه
قال يا نملة له له
لشو هالتعب يا ام مازن
ببيتك القمح مخازن
بكره لما ييجي الشتا والبل
ربي وربك بيبعت الف حل وحل
هزت النملة اكتافها
وما بدها توجع راسها
قالت ما بدي ضيع وقتي
فتح عين وغمض عين
والتلج حدك وحدي
مر الصيف واجا الشتا
والنملة ببيتها يا سلام عالدفا
والزيز بردان
عالشجرة علقان
قال يا بردي يا بردي
شو الحل يا ربي
حمل حاله لعند النملة
وقالها يا بتلحقي يا ما بتلحقي
ضحكت النملة وقالت
بالصيف شو قلنالك؟
شوف كيف تغيرت احوالك
كنت تدق عالاوتار
واليوم جايي تدق عباب الجار

موقع العرب يفسح المجال امام المبدعين والموهوبين لطرح خواطرهم وقصائدهم التي كتبت بقلمهم المميز ويقدم للجميع منبرا حرا في التعبير عما في داخلهم ضمن زاوية منبر العرب. لإرسال المواد يرجي إرفاق النص في ملف وورد مع اسم الكاتب والبلدة وعنوان الموضوع علي العنوان: alarab@alarab.net