أبرز ما جاء في الرسالة:

من وقت ما بدأت المسلسلات التركية تجتاح القنوات العربية وغيرها صار في عنا مشاكل كتيرة وفش الها نهاية بين امي وابي

الاشي صار يأثر على كل افراد البيت وخاصة انه عائلتنا كبيرة وعندها 3 اطفال صغار بدهن رعاي وغير الامور المنزلية اللي عم بتقصر فيها

أمي ربة منزل وصار عندها ادمان في متابعة المسلسلات التركية بشكل غير طبيعي من الصبح وحتى قبل النوم والمصيبة انه فش عندها مشكلة انها تشاهد الحلقة أكثر من مرة

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

حبيت اكتب رسالة الى موقع العرب وأسمع مشاركات زوار الموقع ويمكن تساعدوني بحل المشكلة اللي عم بواجهها كل يوم و24 ساعة..القصة وما فيها انه انا طالبة بمدرسة وعمري 16 سنة ومن وقت ما بدأت المسلسلات التركية تجتاح القنوات العربية وغيرها صار في عنا مشاكل كتيرة وفش الها نهاية بين امي وابي.

 أمي ربة منزل ولا مرة اشتغلت والمشكلة انه صار عندها ادمان في متابعة المسلسلات التركية بشكل غير طبيعي من الصبح وحتى قبل النوم والمصيبة انه فش عندها مشكلة انها تشاهد الحلقة أكثر من مرة لدرجة صارت تحفظ الحكي عن غيب وهذا الاشي عم بعمل كتير من المشاكل بينها وبين ابي، لانه كل يوم بروح من الشغل وحابب نقعد كعائة ويحكي معها بس للأسف بتكون تحكي معنا بس تركيزها كله بالمسلسلات التركية وعم بسمع ابوي بآخر فترة عم بهددها اذا بضلها هيك.

تقصير بالامور المنزلية
الاشي صار يأثر على كل افراد البيت وخاصة انه عائلتنا كبيرة وعندها 3 اطفال صغار بدهن رعاي وغير الامور المنزلية اللي عم بتقصر فيها يمكن دون ما تشعر بس هذا الللي عم بصير معنا، وكل يوم طوشة مع ابوي حتى مرة ابوي قرر يقطعلنا كل المحطات هاي..انا مش عارفي شو اعمل عم بشعر انه بيتنا عم بنهار والعلاقة بين امي وابي صارت كتير غريبة وفش الها طعمة وبطلب منكم تساعدوني بحلول. 

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي:alarab@alarab.net