بين الخطوة والخطوة ازرع صلاه
واغسل نفسَك بدموعك وبْعطر دِماه
يسوع ربّي وحبيبي أصل الحياه
واقف بيستنّى رجوعَك
واقف بيستنّى رجوعَك

افتح قلبَك واسمحلو يدخل بَكيّر
تيغرّد على فْروعَك بلحن عْصافير
بحبّو بِسقي أيامك بمائو النَّمير
وبمسح بإيدو دموعَك
وبمسح بإيدو دموعَك

اعطي ثَمَر شَبابَك لربِّ النّاس
وتعامل مع مَصيرك بفنّ وإحساس
الهَك غَلَب الرَّدى والموت داس
كلّو لأجل عيونَك
كلّو لأجل عيونَك

السّما بتفرَح بالخاطي الراجِع ندمان
وبتسجِّل اسمو بذهب بْسِفر الأزمان
عجّل وارضي الهَك ربّ الأكوان
وازرع بالأمل ربوعك
وازرع بالأمل ربوعك
 

موقع العرب يفسح المجال امام الكتاب لطرح أفكارهم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية رأي حر. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان: alarab@alarab.net