أبرز ما جاء في الرسالة:

أنا قررت اتجوز وأنا عمري 18 سنة انغريت بالارتباط والخطوبة والفستان والمكياج وحبيت أخو صاحبتي بالمدرسة

انا كتير ندمانة... جوزي حرام منيح معي بس بفهمنيش واليوم صار عمري 21 سنة وعندي ولد وشايفة انه الخطوة اللي عملتها غلط

بطلع على بنات جيلي كتير منهن بتعلموا بالجامعات وعايشات حياتهن  ومش حاملات هم بيت وولاد بس أنا مش هيك

حابة أتعلم ..بدي اصير اشي فعال بالمجتمع مش قاعدة بالبيت بديش اصير زي ستي وجوزي رافض فكرة التعليم كليا بده ياني أضل بالبيت وحتى ما بده انه اشتغل

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:

مرحبا لكل المتابعين... أنا حبيت أتوجه الكم اليوم عبر موقع العرب عشان تساعدوني وتنصحوني، لانه مشكلتي عم تكبر يوم بعد يوم، وأنا عم بكبر وخايفة حياتي تضيع من ايدي وأنا واقفة عم بتفرج وساكته وخايفة.. فبتمنى هون القى مساعدة ونصيحة تفيدني...


تصوير thinkstock

قصتي بإختصار بلشت وأنا بنت 18 سنة والصراحة أنا ما بلوم حدا لأنه الاشي كان من ايدي انا وانا قررت فأنا بتحمل نسؤولية اللي صار. أنا قررت اتجوز وأنا عمري 18 سنة انغريت بالارتباط والخطوبة والفستان والمكياج وحبيت أخو صاحبتي بالمدرسة كان أكبر مني وعمره 23 خطبنا وكانت حياتي معه حلوة.. بس المصيبة بلشت بعد شي شهر أو ثلاثة من الزواج.

ندم شديد
انا كتير ندمانة... جوزي حرام منيح معي بس بفهمنيش مش فاهم شو بدي ورافض أنه أتعلم.. اليوم صار عمري 21  سنة وعندي ولد وشايفة انه الخطوة اللي عملتها غلط.. بطلع على بنات جيلي كتير منهن بتعلموا بالجامعات وعايشات حياتهن ، مبسوطات ومثقفات ومتعلمات ومش حاملات هم بيت وولاد بس أنا مش هيك.... أنا قاعدة بالبيت للطبخ والنفخ والشطف والتنظيف وتربية الولد وخدمة جوزي.. انا ظلمت حالي بالجيزة.. مكنتش مفكرة رح اضيع احلى سنين عمري...

أريد أن اتعلم
أنا حابة أتعلم ..بدي اصير اشي فعال بالمجتمع مش قاعدة بالبيت بديش اصير زي ستي بحبش يكوا العالم علي ويقولو ضيعت شبابها.. وجوزي رافض فكرة التعليم كليا بده ياني أضل بالبيت وحتى ما بده انه اشتغل بحجة أنه هو مش منقص علي اشي وحالتنا المادية منيحة وهو اساسا بحبش المرة تشتغل .. شووو أعمل انا اكتر انسانة ندمانة بالدنيا.. بديش اكمل حياتي هيك..بدي اتعلم واشتغل واطلع وانزل واعرف ناس واعيش حياه حلوة ومفيدة..ساعدوني. 

 

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي:alarab@alarab.net