أبرز ما جاء في الرسالة:
لما صاحب المحل اكتشف الاشي فكر انو انا الي سرقت. ولما جيت تاني يوم قلي روحي فش الك شغل هون. انتي وحدة ما بتأمنلك.

ابوي توفى قبل سنتين وامي بتشتغلش، بعد كم شهر لقيت شغل بمحل ملابس قريب على بيتنا، والحمد الله كان الاشي يساعد بمصروف العيلة.. مع انو المعاش مكنتش كتير منيح

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

مرحبا موقع العرب ومرحبا للمعقبين، انا صبية من بلاد الله الواسعة حابي تحكيلكو مشكلتي اللي صارت معي بالشغل وبسببها طلعت من الشغل وتدمرت حياتي.
انا صبية عمري 22 سنه عايشة مع امي واخوتي الاربعة. ابوي توفى قبل سنتين وامي بتشتغلش، بعد كم شهر لقيت شغل بمحل ملابس قريب على بيتنا، والحمد الله كان الاشي يساعد بمصروف العيلة.. مع انو المعاش مكنتش كتير منيح.

تصوير thinkstock

بعد 3 اشهر من الشغل في صبيتين من اللي بشتغلو معنا سرقوا ملابس من المحل. وصاحب المحل اكتشف الاشي. بس معرفش انو مين الي سرق. ومع اني كنت اعرف انو هني الي سرقو وهاي مش اول مرة بسرقوا ضليت ساكتة وما حكيت ولا حرف. ولما صاحب المحل اكتشف الاشي فكر انو انا الي سرقت. ولما جيت تاني يوم قلي روحي فش الك شغل هون. انتي وحدة ما بتأمنلك.

انا والله العظيم ما سرقت ولا ممكن اعمل هيك اشي وامد ايدي على لحرام. وانا كتير بحاجة لشغل... ومش عارفي ايش اعمل

اروح احكي مع صاحب المحل او لا.. لاني مش ملاقيي شغل تاني وكتير بحاجة لمصاري.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي:alarab@alarab.net