من ما بدي الله بتكويني
وإنت بنار حبك بتكويني
بكفي تحرقي قلبي بكفي
جرحي غميق وهمي بكفيني
موج البحر نارك ما بطفي
اي بحور بدها تطفيني
انا بردان عباتي ما بدفي
بس لحاف آهاتك بدفيني
سهران الليل عيني ما بغفي
إلا حلم حبك بغفيني
بتم عطشان وضعي على الحفي
لونك من نهر جاري تسقيني
ومن كاسك لوني شربت شفي
شفي من شفافك بترويني
القمر نوره بلحظه بطفي
انكنو نور وجهك بلاقيني
ما بفرح يوم عيد ويوم زفي
بفرح لما إنت بتحاكيني
من عيني يا دموع الحزن جفي
وبلي يا دموع الفرح عيني
إنا وإنت قلوبنا ما بتصفي
إلا إن ذاد حنينك ع حنيني
كل ما رقص بيدي انا دفي
من لحنك بغني تلاحيني
بكل الكون لو لفيت لفي
ما بلقى ورده ذيك بلجنيني
العالم كلو بحطو بكفي
بتم رخيص بالكف الشمالي
اوزنك بغلا بالكف اليميني