أبرز ما جاء في الرسالة:

عمامنا الهن حق انه يتدخلوا فينا اكتر من خالي !

بس هو هيك بحب السيطرة على الكل ومفكر انه احنا مستضعفين

احنا تلات خوات في البيت، امي ما بتشتغل وابوي كان يشتغل في مجال ممتاز مع راتب بجنن، يعني كنا الحمدالله عايشين ومبسوطين وولا احلى وولا اشي ناقصنا

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

مرحبا موقع العرب وزوار موقع العرب.. بدي أطرح عليكم مشكلتي اللي الها بالزبط 3 سنين ومش قادرين نلاقيلها حل أو الأصح نحطلها حد.. انا صبية عمري 23 سنة وانا الكبيرة بين خواتي ، احنا تلات خوات في البيت، امي ما بتشتغل، وابوي كان يشتغل في مجال ممتاز مع راتب بجنن، يعني كنا الحمدالله عايشين ومبسوطين وولا احلى وولا اشي ناقصنا..

قبل 4 سنين انصاب ابوي في الشغل بهواي جامدة، خلته يقعد لحد اليوم في البيت مع علاجات .. ومن يوم ما وقع ابوي في شغله واحنا مندعي كل يوم ليطيب ويرجع بس مش الظاهر انه في علاج..

تحكم وسيطرة
ومن شي سنتين وأكتر شوي بلش خالي يتدخل فينا ع الطالعة والنازلة، ويتحشر بأمور بيتنا وعيلتنا. واحيانا يطلب مصاري من امي بدل ما يعطيها ! وصار يتحكم فينا.. واسئلة ع الطالعة والنازلة وكأنه فش النا اب أو ام !
مع انه عمامنا الهن حق انه يتدخلوا فينا اكتر من خالي !
بس هو هيك بحب السيطرة على الكل ومفكر انه احنا مستضعفين، وكل يوم والتاني بنط عنا وبقعد يبهدل فينا ويشتمنا على لبسنا وعلى تصرفاتنا وعلى اكلنا وكتير اشياء مع انه احنا صبايا صرنا وعيب يحكي معنا هيك .

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il