أبرز ما جاء في الرسالة:

لما تقدملي اخوها انجنت طلعت بلا عقل كيف اخوها يوخد وحدة متلي

عم بفكر احكي لخطيبي عن كل اشي لانه في الاخر هاي تجارب مراهقين وانا مش ندمانة عليها صراحة

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

مخطوبة من 5 اشهر، ومن 5 اشهر وانا اعيش تحت التهديد والخوف والقلق الذي لا يتركني انام لا في الليل ولا في النهار، القصة انه اخت خطيبي من جيلي، وهي كانت في مدرستي، وبتعرف عني كتير اشيا، يعني انه كنت في عدة علاقات عاطفية مع شباب وشغلات متل هيك، طبعاً وهي نفس الإشي، كمان أنا بعرف عنها كتير اشيا وبعرف انه اهلها مخدوعين فيها، بالاختصار انا وياها بالهوا سوا.


صورة توضيحية

لما تقدملي اخوها انجنت ، طلعت بلا عقل، كيف اخوها يوخد وحدة متلي، وصارت تسمع حكي اني مش محترمة واني واني واني.. بس انا طبعاً بعد المدرسة قطعت كل علاقاتي ، وانا اسا بني ادم جديد، بس هيي عم بتلاحق الماضي تبعي مع انه ماضيها مش أنظف.

غيرة وحقد
المهم كل ما اطلغع انا وخطيبي وكل ما يحمده فيي اهله، ويعبرولي عن شطارتي وحبهن الي، يزيد حقدها، وبتصير تسمع حكي... مع انه هيي بتعرف انه اخوها يعني خطيبي بموت فيي وما بقدر على فراقي.
انا عم بفكر احكي لخطيبي عن كل اشي، لانه في  الاخر هاي تجارب مراهقين، وانا مش ندمانة عليها صراحة، لانه اليوم بدون تجارب الواحد ما بقدر يتعلم.. شو رايكووو ؟!! شو أعمل ؟!

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il