أبرز ما جاء في الرسالة:

كل ما بمرض بمرض خفيف بعقد الامور وبحس حالي اني مريضة بمرض خطير وبخوف الي حولي

صار دور اني اشوف دكتور نفسي بس مش عارفة كيف ممكن اقول لأهلي من قراري علما اني مش محسستهن بوضعي

صرت مكتئبة بطلت احس بتفوقي ولا بجمالي ولا بذكائي عم افقد ثقتي بحالي بسبب شعوري بالوحدة وخوفي الدائم حتى اني بجرب ادرس عشان ارجع انا المتفوقة

 وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

مرحبا انا صبية عمري 17 من الشمال ذكية وحلوة وكنت متفوقه بدراستي لحد ما وقعت بمشكلة بالنسبة ئلي كتير كبيرة هي ان كل ما بمرض بمرض خفيف بغقد الامور وبحس حالي اني مريضة بمرض خطير وبخوف الي حولي مع اني بروح للدكتور وبطلع كل شي سليم هاي المشكلة كبرت اكتر اني صرت انطوائية بطلت اعرف اتعامل مع الناس مع ان قبل كان الي كتير اصحاب.

صورة توضيحية

صرت مكتئبة بطلت احس بتفوقي ولا بجمالي ولا بذكائي عم افقد ثقتي بحالي بسبب شعوري بالوحدة وخوفي الدائم حتى اني بجرب ادرس عشان ارجع انا المتفوقة بلس بقول بدي ادرس وعنجد ما بغدر عم اتدمر وانا حابة كتير اني اتوجه لدكتور نفسي كل واحد فينا معرض من انه يتوجه لدكتور نفسي وانا قررت اني لازم احل هالمشكلة لاني مش مجبورة اني اتحمل وانا بعدني بأول عمري.

مؤمنة وبصلي
 من حقي الكامل من اني اعيشة متلي متل اي بنت ,,, والاشي المهم اني مؤمنة وبصلي وبدعي لربي انه يساعدني فأنا بلشت من اني احل المشكلة وصار دور اني اشوف دكتور نفسي بس مش عارفة كيف ممكن اقول لأهلي من قراري علما اني مش محسستهن بوضعي ان كان بالدراسة وعن شعوري بالوحدة !! شكرا لالكو لانكم اسمعتوني حبيت افضفض واحكي يلي بقلبي.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il