أبرز ما جاء في الرسالة:

بقضي اكتير وقت ع النت ومواقع الدردشة وفي هاي المواقع

صرت احكي لشباب اللي بحكي معاهم انو يحكولي انهم بحبوني وهم بوافقوا

بعرف انو انا غلطانة لكن فش حل اهلي ولا مرة حدا فيهم ضمني الكل عندو مشاغلو .. بعرفش ليش هيك بصير معي

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

مرحبا الكم
انا صبية من الشمال عمري 20 سنة بتعلم وكل اشي منيح معي بس في شغلة اكتير مدايقيتني ، وهي انو بقضي اكتير وقت ع النت ومواقع الدردشة وفي هاي المواقع الحمدللة ولا مرة اغلطت بأشي بس الي فترة بحس بنقص معين.


صورة توضيحية

وصرت احكي لشباب اللي بحكي معاهم انو يحكولي انهم بحبوني وهم بوافقوا بالرغم من اني بعرف انو كلو كزب بس هيك برتاح وكمان في شغلة تانية وهي انو كمان بحكيلهم انو يحكولي انو بدهم يضموني .!
بعرف انو انا غلطانة لكن فش حل اهلي ولا مرة حدا فيهم ضمني الكل عندو مشاغلو .. بعرفش ليش هيك بصير معي انا ما بدي اغلط لكن اكتير اوقات بجيني هذا الاحساس لهيك بتوجة لنت لحتى اشعر بأهتمامهم فيي!
ازا ممكن انكم تعطوني حلول لهاي المشكلة لانو خايفة اغلط وبعدين بنفعش الندم
شكرا الكم كلكم

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il