اسطع سطوع الشمس
أعلو علو القمر
يا إمامنا يا موسى الصدر
ويلو من الله سجانك
يا سجن اسمعني شو بقول
غصوا بدموعن قضبانك
نادوا حل الليل يزول
يا موسى رح ترجع شمسك
تطلع من بحرٍ مجهول
يا موسى طفوا أيامك
بعدو سراجك ما انطفى
عفراقك متقطع قلبي
بعيوني بحس سكاكين
طيفك كل ما يمر بدربي
بتفجر عين براكين
يا قلبي للغايب قلو
حلّو يرجع موسى حلّو
حتى المحرومين يصلّو
برجعة قلب المحرومين
من قلب كلو أوجاع
من نور عيون اللي ضاع
منقلك يا سيدنا ارجاع
ورجع لعيونا النظر
من دمعك يا موسى الغالي
منقول يا بحر امتلي
ودمي كل ما تمُر ببالي
بحسو عم يغلي غلي
قلبي عغيابك مجروح
يومية لعندك بروح
وعطرك يا موسى بفوح
كل ما نصرخ يا علي
 

موقع العرب يفسح المجال امام المبدعين والموهوبين لطرح خواطرهم وقصائدهم التي كتبت بقلمهم المميز ويقدم للجميع منبرا حرا في التعبير عما في داخلهم ضمن زاوية منبر العرب.
لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع على العنوان:  alarab@alarab.co.il