أبرز ما جاء في الرسالة:

إمي من شهر وهي عند دار سيدي وابوي بدوش يرجعها

كل ما نحاول نحكي معو بعصب وبقلنا بديش اسمع حكي

احنا رجعنا ع المدرسة وانا كثير خايفي ع امي ومش عم نشوفها ومش عم بركز بمدرستي شو اعمل حدا يقلنا؟

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:
قصتي طويلة ابوي دائما ويومياً بيعمل مشاكل لأمي ولكني سأخبركم بأخر مشكلة للإختصار,انا فتاة عمري 16 سنة وانا البكر لوالديا، امي جميلة جدا وانا لا ابالغ بذلك فلقد تجوزت صغيرة والان تبدو صغيرة ولا احد يصدق انها امي بل يعقتدونها اختي، وعماتي وستي ونسوان عمامي قبيحات يغيرن من أمي ويحقدن عليها مع انو امي والله العظيم غلبانة دائما بعبوا راس أبوي على امي وبكرهو فيها ولكن امي صابرة ومتحملة كلوا عشانا انا واخواتي وفي اخر مشكلة ابوي طلع من البيت، فاجت ستي لأمي وصارت تسمعها حكي واتهمت اختي الصغيرة انها عملتلها مشكلة، وامي ساكتي ومش عم بترد بعدها فاتت ع الدار وبلشت تضرب باختي ومن قد ما ضربتها اختي وقعت ع الارض وامي بلشت تصيح والتمت الحارة واجى ابوي وبدون ما يعرف شو سبب صياح امي بلش يضرب فيها وطردها من الدار.

ومن شهر وهي عند دار سيدي وابوي بدوش يرجعها وانا وخواتي الثنتين بالبيت عايشات تحت رحمة ستي ونسوان عمامي وع صياحهن وخدمتهن، وكل ما نحاول نحكي معو بعصب وبقلنا بديش اسمع حكي، ومرة هددنا نلحق امي قام بلش يضرب فينا وهددنا بمنعنا من الروحة ع المدرسة, واسا احنا رجعنا ع المدرسة وانا كثير خايفي ع امي ومش عم نشوفها ومش عم بركز بمدرستي شو اعمل حدا يقلنا؟ 

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il