أبرز ما جاء في الرسالة:

خلص ابنه "الصايع" مدرسة، صار ييجي على المحل يديون وانا ماليش خلاق عليه

بقولو انه اذا بضل هيك مستواه بالتعامل بشكي لأبو، صار يقولي انه بطلعني من الشغل وابصر شو

صاحب المحل اجا عنا ع البيت وبدو اياني ارجع، واهلي قلقين من اللي صار، مش عارفة شو اساوي

دايما بدخل بشغلي، ودايما بفنسني قدام الزباين، حتى مرة في زلمي بقولي كيف متحملتيه وعرض علي شغل بمحل تاني

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

انا شابة عمري 21 .. اعمل في محل لبيع الادوات المنزلية، وانا كتير مرتاحة، الي 3 سنين بشتغل بنفس المحل، وصاحب المحل كتير بحترمني وبقدرني، ومفضل عليّ، بس المشكلة لما خلص ابنه "الصايع" مدرسة، صار ييجي على المحل يديون وانا ماليش خلاق عليه، ودايماً بسمع حكي، ودايما بدخل بشغلي، ودايما بفنسني قدام الزباين، حتى مرة في زلمي بقولي كيف متحملتيه وعرض علي شغل بمحل تاني بس انا رفضت لأنه "ابن المعلم " مش سبب مقنع اترك شغلي اللي بحبه ومرتاحة فيه.

 
صورة توضيحية

حتى قبل اسبوعين طفح الكيل، اجى من الصبح على المحل، وبلش يتأمر ، اعملي هيك وساوي هيك زجيبي هيك وحطي هيك، لا ومش بس بيجبلي اصحابو بغياب ابو وبصير يتأمر علي قدامهن ! أجيت بقولو انه اذا بضل هيك مستواه بالتعامل بشكي لأبو، صار يقولي انه بطلعني من الشغل وابصر شو، اجى ابو وحكيتلو كل شي ضربو قدامي وقلعوا على البيت.

طرف ثالث في المشكلة
تاني يوم اتصلت الام على المحل سمعتني حكي بهز البدن، وصرت ابكي، وانا ما الي ذنب، وقلتلها انا مستعدة اواجهه، وقلتلها انه خلال 3 سنين ما شافوا مني شي عاطل وابنها الحق عليه. اجى صاحب المحل الأبو يعني على المحل وانا بحكي بالتلفون واعيط، اخد سماعة التلفون وصارت مشكلة كبيرة بينه وبين مرته.

هل أعود للعمل؟
واسا بعد ما اهلي عرفوا خلصت من الشغل بس صاحب المحل اجا عنا ع البيت وبدو اياني ارجع، واهلي قلقين من اللي صار، مش عارفة شو اساوي، ارجع ولا ما ارجع؟ لأنه انا محتاجة لمصاري على شان التعليم واهلي وضعهن على قد حالهن؟

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il