القصه تحكي عن شابان (مطيع وعامر) عاطلين عن العمل.. هاذان الشباب يقضون وقتهم بالمقاهي والاماكن الفاحشه...
نحن الان موجودين داخل احد المقاهي..
مطيع:بعدين يا عامر هيك بدنا انضل قاعدين بدون شغل؟؟؟
عامر:وانا كمان يا مطيع بلشة امل من هاي الحاله..بس شو بدنا نعمل؟؟؟
مطيع:لازم اندور على شغل هيك ما بنفع..
.عامر:وشو بدنا نشتغل اقترح عليه
مطيع:اسمع عندي اقتراح مليح
عامر:شو هوه؟؟
مطيع:شو رايك نشتغل شغله خفيفه ما فيها تعب..بس فيها شوية مخاطره
عامر:شو هي هالشغله؟؟
مطيع:بكرا بقلك..خلينا هسه نلعب دك شطرنج وبكرا بقلك...
نحن الان في اليوم التالي..عامر ومطيع موجودين في الشارع العام للمدينه..
عامر:يالله قوللي شو الخطه؟؟
مطيع:اسمع..هسه بس تمرق سياره بترمي حالك عليها وبتصير تصرخ..
عامر:نعم...نعم...بلكي صلي اشي..
مطيع:ولك الله يقطعك عنجد انك خروف..انت مش ظروري تزت حالك عالسياره ارمي حالك على جنب السياره..
عامر:ماشي..
بعد قليل جاءت سياره من الجهه اليسرى من الشارع فما كان من عامر الا انه القي نفسه على السياره وفعلا انصدمت السياره بعامر بضربه خفيفه..اما عن مطيع فقد صار يصرخ ويتاوه على صديقه..بعدها اندفع الى السائق وقال له:
يا مجرم شو اعملت؟؟؟
السائق:الله وكيلك يا رجل ماشي بطريقي هوه الي هجم عليه زاي القضى او الجن..
مطيع:يعني شو بتامر ..اتطلع عليه الشاب مش حرام يقبر شبابو وهو بهالعمر؟؟
عامر:الحقني يا مطيع رجلي انكسرت
السائق:سامع سامع رجلو انكسرت الشغله صار فيها كسر رجل..خليني اوخذو عالمستشفى
مطيع:ولك شو توخذو ناوي تبهدل حالك؟؟هسه تحقيق وسين وجيم..
السائق:طيب شو اعمل؟؟
مطيع:اعطيني 500 شيقل بلكي اعرفنا انداويلو اجرو..
السائق:طيب اسالو بيقبل ب 300؟؟
مطيع ينظر الى صديقه ويقنعه باخذ ال300 من السائق بطريقه لا يفهمها الا هما
السائق يدفع الفلوس لمطيع..مطيع يتظاهر بالمرض...
بعد ان ذهب السائق الى حاله نهض عامر من نومته ووقف على رجليه وكان شيئا لم يكن..
استمر الشابان بهذه العمليه الاحتياليه وهم فرحين وسعداء على هذه الرزقه المثاليه على حد قولهم..
بعد ايام جاء وقت تمثيليه جديده..
اتفق الشابان على ان مطيع هو الذي يلقي نفسه على السياره..وفعلا القى مطيع نفسه على سيارة يقودها مسؤول جهه حكوميه فانكسرت رجله حقا...اما عن صاحب السياره فقد امر حراسه بابعاد الشاب عن الطريق ..
تقدم الحراس نحو الشاب وحملوه ووضعوه على الرصيف واخذو يضربوه ضربا قاتلا هذا في مسدسه وهذا في عصاه حتى انفجر من الالم..وقتل على الفور..
لما راى عامر هذا المنظر صاح بهم قائلا
عامر:ليش ما عالجتوا يا عدوين الضمير..قتلتو بدل من تعالجو؟؟
قال احد الحرس:ظب السانك احسن لا تلحقوا..هذا جزاء كل واحد بحاول يعرقل طريق امعلمنا.. 

موقع العرب يفسح المجال امام المبدعين والموهوبين لطرح خواطرهم وقصائدهم التي كتبت بقلمهم المميز ويقدم للجميع منبرا حرا في التعبير عما في داخلهم ضمن زاوية منبر العرب.
لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع على العنوان: alarab@alarab.co.il