Share this link via
Or copy link
عمرو السعودي من البرازيل لموقع العرب: إليهم
وكأنهم شمعه
في ليله من غير كهربا
وكأنهم دمعه
في عيون مستغربه
وكـــأنهم غنوه فيها
بياتي وصبا
___
وكــــأنهم ريحه بخور شرقيه
في قلب عالم بيحج في هوليود
لسه الوطن فيهم حياه وهويه
لسه الوطن مدفي جوه حدود
___
تلقي صمودهم هدوء
تلقي عيونهم رساله
بتمحي كل الفروق
وبتختلف عن حاله
رافعه ايديها لفوق
صامته ومتقاله
___
الغايه تولد ربيع
اذا كان مداها الشوف
واليأس يملا الجميع
بالجهل او بالخوف
الكل تاه فـ الظروف
لكنهم لسه
بيحكوا في القصه
ويعيدوا من تاني
داموا يدوم الوطن
قاموا يقوم تاني
عاشوا وعاش حلمهم
للدنيا انساني