أبرز ما جاء في الرسالة:

الشخص اللي مفروض تجوزته وهو صار جوزي كان عم يقبل صبية تانية والمشهد كان كتيير حميم عند الحمامات

طلعت اركض لبرا وانا اعيط وبطلت بدي اعيش لاني ما غلطت بحقه ومعقول الخيانة وبهيك ظروف وبهيك وضع؟ مش عم بقدر استوعب

مش قادرة أصارحه بالإشي اللي شفتو. عم بفكر اطلب منو الطلاق بس وضعي صعب واهلي مش رح يقبلو... شو لازم اعمل؟ هل انا ظلمته ام انا المظلومة. هل هو الضحية أم انا المجرمة

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:
مرحبا انا صبية تجوزت من فترة زغيرة بس لحد اليوم ما بعتبر حالي تجوزت بسبب اللي شفته بعيني يوم عرسي بعد السهرة مباشرة. يوم العلم كنا عن نرقص كلياتنا بس بلمح البصر ومتل الزيبق اختفى العريس. طبعا بس انا اللي انتبهت بس ما اعرت الاشي اهمية. المهم بعد شوي فتت على الشيروتين عشان ازبط المكياج وشفت شوفة ما بستوعبها اي عقل بشري.

صورة توضيحية
 

بعد الزفاف.. قبل إمرأة أخرى بحميمية
الشخص اللي مفروض تجوزته وهو صار جوزي كان عم يقبل صبية تانية والمشهد كان كتيير حميم عند الحمامات والمصيبة اني بعرفها لهاي الوحدة التانية وهي كمان متجوزة واللي بشوفها بقول عنها اسعد وحدة مع جوزها. وقتها طلعت اركض لبرا وانا اعيط وبطلت بدي اعيش لاني ما غلطت بحقه ومعقول الخيانة وبهيك ظروف وبهيك وضع؟ مش عم بقدر استوعب وعم بحس حالي هبلة لاني ولا مرة حسيت عليه اشي بالخطبة! معقول يعني كان سكران؟ او انو واحد خاين وتجوزني لتحقيق اهدافه؟

حتى اليوم أتصرف معه كالخطاب!
المهم يا موقع العرب بعد الحالة رجعت على القاعة ولا كأنه في اشي صرت امتل واضحك مع الناس ولمن رجع جوزي كمان كملت المسرحية لحد ما اجينا نطلع شهر العسل. وهناك بدا يتغزل فيي وانا عم بحتقر فيه وصرت اتهرب منو على اساس انو الزواج مشروع كبير ولازم يعطيني وقت وفرصة عشان اقدر استوعب الفكرة مع اني بحبه وبموت عليه. هو اعطاني فرصة ولليوم كإنا بعدنا خاطبين بس مش قادرة أصارحه بالإشي اللي شفتو. عم بفكر اطلب منو الطلاق بس وضعي صعب واهلي مش رح يقبلو... شو لازم اعمل؟ هل انا ظلمته ام انا المظلومة. هل هو الضحية أم انا المجرمة من شان الله ساعدوني وشكرا.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il