أبرز ما جاء في الرسالة:

هل لازم نتحمل كل اشي من اهلنا حتى لو كان ظلم احنا مش بشر يعني ما النا حقوق

ما بسترجي امزح معو مع اني عندي عملية بالقلب ونفسيتي تعبانه فكرت يتغير معي بالعكس بعدو حتى زاد اكتر

انا بعدني زغيرة ما بعرف اشي بالدنيا كان نفسي يكون عندي ابو غير هيك ابكي على صدرو لما اضايق اشكيلو همي

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.
 

الرسالة كالتالي:
مرحبا للجميع انا فتاه عمري 18 سنة مشكلتي مع ابوي انو بكرهني راح تقولو ما في اب بكره بنتو بس انا بأكدلكوا انو ابوي ما بغدر يشوفني بعاملني كأني عدوتو مش بنتو بحكي معي حكي مش حلو دايما عصبي علي وبهادل ما بسترجي امزح معو احكيلو شغله انا بعدني زغيرة ما بعرف اشي بالدنيا كان نفسي يكون عندي ابو غير هيك ابكي على صدرو لما اضايق اشكيلو همي يحضني.


صورة توضيحية

انا انسانه حساسه كتير وبخاف من الحياة ليش هيك بعاملني مش عارفة مرة عملي طوشة كبيرة على اشي فاضي وعزر علي وصار يقلي اطلعي من البيت وبحرقك اذا بترجعي صدقوني ما بحبني مع اني دايما بدافع عنو لما بتقاتل مع امي واسا عرفت اني مريضة وعندي عملية بالقلب ونفسيتي تعبانه فكرت يتغير معي بالعكس بعدو حتى زاد اكتر بغدرش يشوفني ولا كاني بنتو من وين بجيب هالقلب القاسي حدا يفهمني هل لازم نتحمل كل اشي من اهلنا حتى لو كان ظلم احنا مش بشر يعني ما النا حقوق بحياتي ما جاوبتو او زعلتو لانو اصلا بسترجيش بخاف منو بصير ارج بس اشوفو بعاقبني بحرمني من التلفون وبخزق عجال السيارة مشان ما اطلع فيها ... بحسو مش طايقني عندو ايش اعمل بالله عليكم تساعدوني ايش اعمل وين اروح هل الموت اريح من هيك حياة ولا اضلني اتعذب بالوقت الي بحاجة لراحة مين بدو يفهمني ساعدوني من شان الله ..

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il