أهم ما جاء في الرسالة

 روحنا على بيت عمي ابو العريس، لحتى بعدها نسافر على شهر العسل

ابوه حاول يجي عند ابوي ويقنعوا اني ارجع قبل ايام بس ابوي رفض اني ارجع لابنه

احنا هناك اختلف العريس مع ابوه على النقوط وبوقتهاه حمي الخلاف وقام العريس طلقني

وصلت الى موقع العرب رسالة من سيدة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

قصتي صعبة كتير وما بعرف كيف ممكن احلها، انا فتاة عمري 24 سنة من قرى الشمال، تزوجت قبل ايام من شاب من القرية عنا، ولكن بعد العرس وبعد ما خلصت السهرة روحنا على بيت عمي ابو العريس، لحتى بعدها نسافر على شهر العسل بعد ما اغير فستان العرس ونرتاح شوية.

بس واحنا هناك اختلف العريس مع ابوه على النقوط وبوقتهاه حمي الخلاف وقام العريس طلقني رجعت عند اهلي بالليل يعني ما لحقوا يروحوا على البيت ولا انا وراهن، ومن ايام والناس تيجي تبارك وما حدا بعرف اني تطلقت وخايفة كتير على سمعة اهلي، يعني بس يجي حدا على البيت عنا بتخبى وبقعد باوضتي لحد ما يروحوا، مش خايفة على حالي لاني مش غلطانة بس خايفة على سمعة ابوي حتى لو انا مش عاملة اشي غلط بس المشكلة بانه الناس ما بترحم وابوه حاول يجي عند ابوي قبل ايام بس ابوي رفض اني ارجع لابنه بعد اللي عمله وانا مش عارفة شو اعمل ارجوكوا ساعدوني؟؟

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il