ابرز ما جاء في الرسالة:

انا على وشك ولادة ابني البكر والذي ارغب بان يحمل اسما جديدا وعصريا.. وزوجي واهلة قرروا بأن يمنحوه اسم جده القديم

انا مصرة بأن لا امنح ابني اسم جده القديم لانه بشع وغير جميل وسيحمله معه طوال العمر..وزوجي لا يحاكيني وغاضب مني لاني رافضة طلبه

أخاف ان اخسر محبة زوجي واهله بسبب هذا الموضوع..وبنفس الوقت لن اتنازل وأتخلى عن فكرة تسميته بالذي احب وأرغب وهذه العادات والتقاليد تخنقني

وصلت الى موقع العرب رسالة من سيدة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:
مرحبا موقع العرب انا امرأة عمري 27 عاما اتزوجت من سنه تقريبا وانا اسا حامل بالشهر التاسع وقربت اخلف ومشكلتي هي مع اكتر من شخص اول ايشي جوزي والسبب انو بدو اياني اسمي اسم ابني الي جاي عالطريق على اسم ابو (عمي) والصرحة اسم عمي مش حلو شيلي وقديم كتير وانا مش حابي الاسم شيلي وتقاتلت انا وجوزي كتير لاجل هاذا الموضوع وهو بضل يقولي انو مجبور يسمي الولد لانو هو البكر (اكبر واحد باخوته) والعادة انو الولد الكبير بيسمي على اسم ابوي . نا ما بدي اسمي ابني على اسم عمي مش بدون سبب بس لو انو اسم عمي حلو او حتى مقبول ما بيكون عندي مشكلي .

 صورة توضيحية

انا اصريت على موقفي وقررت اني ما اسمي وجوزي صرلوا جمعة ما بحكي معي ودار عمي بعدهن ما بيعرفوا اني مش راح اسمي على اسم عمي حتى انهن تبرعوا بكل ايشي بخص ولادتو على حسابهن وما قبلوا يخلوا ولا اي شخص يساعدهن بالتحضيرات بالرغم من انو وضعهن المادي صعب شوي .

خسارة دار عمي
الصراحة انا خايفة اخسر دار عمي واخسر محبة جوزي بسبب هاذا الموضوع وبنفس الوقت انا مصرة اني اسم ابني يكون عالموضة ويكون من الاسماء الجديدة. ار عمي مناح كتير معي وما بدي اخسرهن لانهن حابين كتير اسمي كيف بدهن واذا لا راح اكسر بخاطرهن وراح يتضايقوا طول عمرهن مني وبيكفي زعل جوزي مني.

دقة قديمة
هل انا غلطانه لاني مصرة على هادا الاسم ؟ وليش هاي العادة دايما احنا العرب لازم نسمي ابنا الكبير على اسم الجد؟ هاي العادة بتعمل مشاكل احنا بغنى عنها وانا مش مستعدة عشان عادة اني اسمي ابني الكبير اسم قديم وبشع وانا ما اون مبسوطة في عشان ارضي اهل جوزي والناس...هل اصر على موقفي ؟ او لازم اتنازل عن فرحة عمري عشان ارضي جوزي واهلو؟؟ساعدوني لو سمحتوا...بدون استهزاء...

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il