- ابرز ما جاء في الرسالة :

عمري 18 عام وعندي اخو وحيد للاسف الشديد معاق عمرو 12 عام وبيحرجني كتير

اخجل من اخي المعاق امام اناس وخاصة اصدقائي لانهم يبدأون بتقليده ويضحكون عليه..واتمنى موته اليوم قبل غد

اهلي يعاملونه بطريقة مختلفة ويدللونه عكسي انا..وبأغلب الاوقات ادعي عليه لارتاح منه ومن همه..وبنفس الوقت اخاف ان اظلمه!

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

 الرسالة كالتالي:
انا صبية عمري 18 سنة..مشكلتي اخوي الي اصغر مني والي خلق معاق, بكرهو كتير وما بغدر اشوفوا هو عمرو 12 عام (منغولي ), المهم تصرفاتو كتير بتضايقني وبستحي اطلع معو او مع اهلي لما بيكون معنا .
لانو كل ما منطلع بيصير يضحك بصوت عالي وعلى الفاضي والملان , صرت اكرهو اكتر من وقت صحابي شفو معي مرة , صاروا كل مرة يشوفوني فيها واكون معهن يصيروا يقلدوا ويضحكوا علي .

صورة توضيحية

انا زهقت والصراحة بتمنى انو يموت لانو هو اصلن ما كان لازم يجي على الدنيا , ومن وقت ما اجى ةاهلي بهتموا في اكتر مني وما بيعبروني وبيعملولي مثل ما بيعملولوا..وكل الوقت دلال واذا مرض امي وابوي بنجنوا علي. ومرات كتير لما بطلب منو ايشي وما بيعملوا بيصير يضحك وقثتها انا بصير ادعي علي انو ربنا يوخذو ويريحنا منو .بس في اوقات لما بقعد مع حالي بتندم اني دعيت علي وبخاف من ربنا ليش انا بعاملوا هيك.. الصراحة مش عارفي شو احساسي كتير بكرهوا واوقات كتير بحس اني ظلمتوا ولازم احن علي لانوا ما الو اخوه او خوات غيري..فهل انا ظلمتوا بتصرفاتي او تصرفاتي طبيعية لبنت بتعيش بهيك وضع مع اخو معاق..ساعدوني لو سمحتو شكرا.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il