- ابرز ما جاء في الرسالة:

* انا رجل 37 عام اعيش مع امي وزوجتي واولادي بنفس البيت

* زوجتي عصبية وعنيدة وتطلب مني في الاونة الاخيرة ان اضع امي في ملجأ العجزة

* زوجتي لا ترغب بامي في البيت بحجة انها ما عادت تستطيع القيام بها ومساعتها طوال الوقت

* اخاف ان اضع امي في الملجأ واخسرها...واخاف ان لا اضع امي حسب طلب زوجتي واخسر الاخيرة وابنائي

وصلت الى موقع العرب رسالة من رجل يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:
مرحبا  لموقع العرب انا رجل عمري 37 عام متزوح والحمد لله وعندي 3 اولاد وامي عايشي معنا في البيت ..مشكلتي زوجتي بالرغم من اني بموت فيها بس هي عنيدة وعصبية وبلشت مشكلتي من لما طلبت  من زوجتي اني احط امي في ملجأ العجزة لانها بطلت تغدر تقوم فيها وبواجباتها امي مراه كبيرة بالعمر وما الها حدا غيري انا واختي بس اختي متزوجه وساكني بريت البلاد من زمان وطبعا ما ضل الها حدا غيري انا وحيدها .

صورة توضيحية

والدتي ليست مقعدة
امي ليست مقعدة او عاجزة كليا هي بتغدر تقوم بحالها بس بدها حدا يساعدها ويضلو مساندها كل الوقت مش اكثر ...وصارت مشاكل كتيرة بيني وبين مرتي من تحت راس هذا الموضوع لاني كل مره بتفتحلي اياه بسكروا وبرفض اني اناقشها . بس انا بطلت اغدر لانها كل الوقت بتسمعني حكي وتغيرت معاملتها معي من كل النواحي الزوجية وقالتلي اذا خلال فترة صغيرة ما وديتها راح ترجع عند بيت اهلها هي والاولاد .وانا ما بغدر اعيش بدونها وبدون ولادي وكيف راح اغدر اقوم بامي لحالي وهي مش بالبيت؟

أخاف من غضب والدتي
وانا حسب شغلي ما بقدر اقوم بكل واجبات امي ومش عارف شو اعمل هل اذا وديت امي على الملجأ راح اظلمها ؟او بالعكس راح اريحها من مرتي وراح تكون هناك مبسوطة؟ بس انا خايف انو امي تغضب علي ليوم الاخرة وما تعود تسامحني ؟ وخايف انواختي تغضب علي لما تعرف بهاذا الموضوع والصراحة خايف من نظرة الناس الي اذا عملت هيك ايشي ...بس انا متحير بين مرتي وامي ..ساعدوني رجاءا

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il