- أهم ما جاء في الرسالة

* بقابله بالسر بعد ما ينتهي الدوام بالرغم من حصار والدتي الي فرضته

* والدتي حذرتني اني ما اقول لواحد من اخواني ولا لابوي، ولا لاي مخلوق من العيلة

* الخلاف اكبر مما توقعت وهو حاول يبررلي انه بريء وما كان بقصده انه يقتله كانوا اصحاب وكثير كانوا بحبون بعض

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية

انا عمري 25 سنة، متعلمة من واحدة من قرى الجنوب، وانا معلمة بمدرسة في القرية، وعلاقتي بعائلتي كانت كتير جيدة ولكن بدأت تدهور من 3 سنوات، لما كنت بالجامعة وبدأت علاقة حب تطور مع صديق طالب معي، كان ييجي على الجامعة وهو اكبر منا ب 10 سنوات، وبدأت العلاقة تطور لوصلت اني متا بقدر ابعد عنه بموت فيه، وقررت اني اصارح اهلي اني بدي اتزوجه، فحكيت لامي انه في شاب بيردني وانا تعرفت عليه بالجامعة امي فرحت كتير بس بعد ما عرفت مين الشب، لعنت الساعة اللي بعتتني على الجامعة.



وبدون ما تعطيني اسباب حذرتني اني ما اقول لواحد من اخواني ولا لابوي، ولا لاي مخلوق من العيلة، بعد يومين صارحته بالموضوع، فتفاجئت انه بدا يصارحني بانه بيعرف اهلي وبيعرف عائلتي كثير منيح، وصدمني بالفاجعة، انه هو قتل عمي قبل 15 سنة، في البداية انا انصدمت لانه اهلي ما كانوا يحكو عن هذا الموضوع وولا مرة والدتي او حدا من العيلة قال مين كان القاتل وشو السبب.
وعرفت بعدها انه الخلاف اكبر مما توقعت وهو حاول يبررلي انه بريء وما كان بقصده انه يقتله كانوا اصحاب وكثير كانوا بحبون بعض بس كانوا بيوم يلعبوا بقطعة سلاح وطلعت رصاصة قتلت عمي، اهلي لحد الان ما يعرفون، بس والدتي دايما تطمن ازا بعدني بعلاقة ولا لا ما بعرف شو اساوي ولا شو اعمل، بس اللي اعرفه اني بحب هذا الشخص كثير، مع اني كقير غضبانة منه لانه خبى عني الحقيقة، بس هو اعترفلي انه هو عرف اني من اي عيلة بعد فترة طويلة من علاقتنا وعنداه ما كان بقدر يتركني، اليوم هو مدرس بمدرسة بقرية تانية ولكن بعدني بقابله بالسر بعد ما ينتهي الدوام بالرغم من حصار والدتي الي فرضته، ساعدوني كيف اساوي؟؟

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il