- ابرز ما جاء في الرسالة:

* انا ام 50 عاما لدي 3 اولاد جميعهم اكاديميون وابنتي الوحيدة ستصبح طبيبة عما قريب

* غيرتي عليها وعزة نفسي تمنعني ان اجعلها ترتبط بشخص غير متعلم وتحديدا طبيب لا اقل

* الناس جميعا سواسية ولكني ارفض بشدة ان تتزوج ابنتي بشخص اقل من قيمتها التعليمية وطبقتها العلمية

* الجميع يتهمني بالغرور لموقفي مع ابنتي وبأني اضيق عليها الحياه واقطع نصيبها في الزواج وتكوين اسرة من اختياراها

* انا مصرة على موقفي من العريس الملائم لابنتي ولكني اخاف ان اسلبها حريتها الشخصية والتعبير عن ارائها وبالنهية اصبح انسانة بعيدة عنها وعن مشاعرها

 وصلت الى موقع العرب رسالة من سيدة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:
مرحبا لموقع العرب والزوار الكرام انا سيدة متزوجة وعمري 50 عاما متعلمة وعملت كسكرتيرة في احدى الشركات وطبعا العمر له حق على الانسان انهيت عملي من فترة طويلة لاتفرغ لاولادي والحمد لله عندي 3 اولاد وبنت وحيدة . الحمد لله احسنت تربيتهم واليوم ابني الكبير وعمروا 27 عام طبيب ناجح خلص تعليموا من فترة قصيرة وابني الثاني مهندس وبنتي الوحيدة عمرها 22 سنة سنه اولى طب في الجامعة .
انا تعبت لى ولادي وربيتهن احسن تربية والكل بيحلف بحياتهن المهم مشكلتي انو بنتي الوحيدة بيجيها عرسان كتير بس ولا واحد فيهن عاجبني بمعنى انا ما بدي غير دكتور واذا لا ما بدي اياه .هاي الشغلة عملت مشاكل بيني وبينها فهي ما عندها مشكلي اذا ما بيكون دكتوراذا بيكون متعلم ايشي تاني او حتى مش متعلم وانا الصراحة رافضي هادا الايشي رفض نهائي ليش تتوخذ حدا اقل منها من ناحية تعليم وهي مش ناقصها ايشي لا جمال او علم واخلاق .
كل الناس وحتى القريبن مني بيقولوا اني عندي غرور لاني ما بدي اجوز بنتي لحدا مش متعلم وراقي وبيقولوا اني انا هيك بقطع بنصيبها وبخربلها حياتها .

صورة توضيحية

والصراحة انا مستغربي ليش لحد اسا ما اجاها دكتور يعني مش ناقصها ايشي وبتروح وبتيجي والكل بيعرف سمعتها .
انا متحيرة كتير وبنفس الوقت ما راح اتنازل عن موقفي يعني يا دكتور او بلاش تتجوز من اصلوا , لاني متأكدة انها مش راح تكون مبسوطة ومتريحة من ناحية اجتماعية ومادية غير مع دكتور من قيمتها . انا ما بستهزأ بالناس الدنيا مقامات وطبقات يعني ما بزبط توخذ واحد عامل مثلا لانو اكيد مش راح يسعدها .بس الي متعبني اسا اني خايفة اعقدها لاني دايما برفض رفض نهائي كل ارائها والصراحة ما بدي اخسرها هي بنتي الوحيدة وما الي غيرها ..بس خايفة اخسر نظرة الناس والجيران الي اذا خطبت واحد مش متعلم ...متحيرة هل اعطيها راحتها تختار شريك حياتها او لازم اصر على موقفي عشان تكسب هي بالاخر وتعيش سعيدة ..او يا ترى اذا ضليت هيك على اصراري راحيفوتها الزواج..اذا ممكن ساعدوني عشان اساعدها وما اخسرها ؟ 
 
يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il