- أبرز ما جاء في الرسالة:

* على فكرة انا واياتو انخطبنا مش عن حب يعني الحب دخل قلوبنا بعد الخطبة ..

* مش عارفة شو اعمل حتى ازيل هالشكوك واعتاد على هالوضع انه هو بجد اوقات بكنش فاضي

* يعني ما بدي يتغزل  فيي قدام الناس بس يعبرني قدامهن يعتبرني موجودة مش كأنه موجودة ومش موجودة واللي بقهرني لما اتصل عليه بيكون عند قرايبو ومش فاضي يحكي معي ليش ؟؟؟؟؟؟

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

مرحبا انا فتاة من الشمال عمري 21 سنة مخطوبة الي 4 اشهر خطيبي بحبني وانا متأكده من حبه الي وانا بحبه حب جنون ومستحيل اتخلى عنه .. مشكلتي انه الشكوك بتضل تلاحقني اوقات بحسه بحبني كتيييير واوقات بحس انه الحب معدوم عنده وما بحبني مش عارفة ليش هيك بصير معي مع انه هو شاب كتير منيح وما بحكي مع بنات غيري ومحترم وبغار عليي بس لما احسه بعيد عني ومش فاضيلي بتصير الشكوك تغزني من كل النواحي بصير اقول ما بحبني ولو بحبني كان اتصل كان رجع حكى معي كان اجا عنا كان راح ووو الخ ..
 

صورة توضيحية

مش عارفة شو اعمل حتى ازيل هالشكوك واعتاد على هالوضع انه هو بجد اوقات بكنش فاضي وبكون بشغله وبقدرش يحاكيني مش عارفة ساعدوني لاتخلص من هالشكوك وكمان خطيبي من النوع اللي الثقيل يعني شاب ثقيل يعني قدام الناس ما بيكون خفيف وبيصير يتغزل فيي قدامهن او اشي لا بالعكس قدام الناس بعاملني متلهن ولا كأني خطيبته يعني عادي  وانا حابة انه ع الاقل يحكيني قدامهن يشاركني قدامهن كل شي من حديث الخ .. يعني ما بدي يتغزل  فيي قدام الناس بس يعبرني قدامهن يعتبرني موجودة مش كأنه موجودة ومش موجودة واللي بقهرني لما اتصل عليه بيكون عند قرايبو ومش فاضي يحكي معي ليش ؟؟؟؟؟؟
ولما يفضى فش ايش يحكي يعني ما في كلام نحكيه مش عارفة من وين بجيبو الحكي والرغي والبرم...
على فكرة انا واياتو انخطبنا مش عن حب يعني الحب دخل قلوبنا بعد الخطبة .. وانا من هون بقول لخطيبي بحبك كتير ومستحيل اتخلى عنك يا بعد عمري  واخبراً سوري اني طولت عليكو وبتمنى محدا يستهزأ بالاشي وتساعدوني يا زوار موقع العرب وتحيتي الكو.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il