- ابرز ما جاء في المشكلة : 

* جوز اختي بيحاول يدخل وبيحب يتحكم في كتير

* بيحاول دايما يعطي رايو في كل اشي بيخصني وحتى في لبسي دايما بيدخل وانا ما عدت اطيقو

* بطلت احب ازور اختي من اجلوا احسن ما اشوفوا واسمع تعليقاتو ..المشكله الاكبر انوا صار يسمعني حكي غزل

* في مره تهجم علي وحاول انو....انتو بتعرفوا الباقي ..انا قمت ونزلت من البيت وروحت..وما عدت ازور اختي

* جوز اختي بكل  وقاحة بعدو بيجي عنا معها بس لما يكونوا ما بطلع ..حياتي صارت جحيم انا كتير بخاف منو وبكرهو وما عدت طبيعية
وصلت الى موقع العرب رسالة من فتاه تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية

الرسالة هي التالية:
انا صبية عمري 22 عام حلوه كتير ومش غرور مني ..لا بس الكل بيقول اني بملك جمال ..خلصت تعليم وبلشت اشتغل من فتره قصيرة...مشكلتي بتبدا من جوز اختي الاكبر مني ..جوزها كتير بيحاول يدخل وبيحب يتحكم في كتير ..وانا ما بطيق هادا الاشي بس ما بغدر اضل افتح الموضوع مع اهلي ..بيحاول دايما يعطي رايو في كل اشي بيخصني وحتى في لبسي دايما بيدخل وانا ما عدت اطيقوا..حتى اني بطلت احب ازور اختي من اجلوا احسن ما اشوفوا واسمع تعليقاتو ..المشكله الاكبر انوا صار يسمعني حكي غزل ..يعني شو هالحلو وهالجسم الحلو ..ونيالو الي بدو يوخدك ..وايشيا زي هيك وحكي كتير وقح ..وطبعا كلو من دون ما ختي تسمع او تعرف ..وفي مره كنت معزومه عندها بالبيت..واضطرت تنزل عالدكانه وهو روح من الشغل فتهجم علي وحاول انو..انتو بتعرفوا الباقي ..انا قمت ونزلت من البيت وروحت..


صورة توضيحية

اختي رجعت ما لقتني اتصلت في وسالتني ليش روحت فقلتلها انوا رحت مشوار وراجعه ..بس طبعا ما رجعت ...انا اسا ما بفوت على بيتها ...وتغيرت كتير من ناحيتها  مش بايدي ..وما حكيت لحدا شو الي صار معي , وجوزها بكل وقاحة بعدو بيجي عنا معها بس لما يكونوا ما بطلع ..حياتي صارت جحيم انا كتير بخاف منو وبكرهو ..وانا لازم احكي لاختي بس شو راح يصير فيها اذا عرفت شو راح تعمل مع العلم انها حامل بالولد الاول ..وهو الحقير كيف ما راعى شعورها..انا ضايعة احكيلها او لا..واذا لا كيف بدي اتأقلم وهو بعدو بضايقني والي بعمل هيك ايشي ممكن يعيدو...واذا حكيت راح بتخرب حياتها واكيد ما راح تضل معو ..ساعدوني نفسيتي كتير تعبانه وفي اوقات بحبس حالي بغرفتي وما بحب حدا يشوفني وبالذات من اهلي  ..كتير متضايقه..وما بدي اتعرف على اي شب او اتزوج حاسي اني تعقدت..ساعدوني..

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il