- ابرز ما جاء في الرسالة :

* استقرينا في جنوب البلاد بسبب عمل امي وابي

* امي فكرت ان تنجب لي اخا لاني الوحيد في العائلة

* اهلي تبنو طفل عمره 5 سنوات مات ابوه وامه في حادث

* امي ونحن عاملناه كأخ حقيقي لي وما نا نحسسوا بشي

* اهل حبيبته استفسروا عنا عرفوا انو هو مو ابنا ولما سأل حبيبتوا قالتلو انو لانو هو مش من عيلتنا واحينا تبنيناه فما قبلوا يخطبها

* بعد ما عرف زعل كتير فتركنا وراح استأجر بيت وسكن مع صاحبوا وما بدو يفهم منا ايشي وانا اشتقتلوا وبدي احكي معو بس مش مسترجي

وصلت الى موقع العرب رسالة من شاب يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة هي التالية:
مشكلتي تتعلق بأخوي ...ولكن ليس اخي لا من امي ولا من ابي ..انه اخي بالتبني ..المشكلة ابتدأت عندما احبت امي ان تنجب لي اخا لاني الوحيد في العائلة وايس لدي لا اخوة ولا اخوات , فبعد محاولات عديدة وبجميع الطرق لم تستطيع امي في انجاب الخ , حتى عن طريق الزراعة والعمليات العديدة التي لم تنجح , وعن طريق الصدفة وكأن الله اراد ان يستجيب لدعوى امي التي صبرت كثيرا ورغبت بطفل اخر في البيت ... تبنته عائلتي من يوم كان عمره 5 سنوات , وكانت تقريبا صدفة التبني  يعني ماكنا نبحث عنه, فبطبيعة شغل الوالد, عرف انه في طفل صغير توفيت امه وابوه بحادث وماعنده أٌقراب يهتمون فيه في احدى القرى في الجنوب حيث يعمل هناك ابي وامي واستقرينا هاك منذ 20 عاما , فأجت لابوي فكرة انه نتبناه , وكل العائلة كانت موافقة وفرحانه بهالخبر الحلو باذات انو اجاني واجانا اخو جديد عالبيت مع انو كان عمري 10 سنه لما جبنا .

صورة توضيحية

المهم عاش اخوي الصغير ببيتنا وحبينها حب مو طبيعي ودللنا وحسينا انو عنجد منا مو متبنيينوا, وماحسسناه انه متبني ابدا  وحتى ماقلناله ولا فهمناه انو احنا تبنيناه وعاش طبيعي جدا وتعلقنه في كتير  ودخل الروضه والتمهيدي عادي , وقلنا انو مع مرور الزمن بيكبر وبيفهم لحالو وهون كانت المشكلة ,  علما بانه مو لقيط  بلعكس هو من عيله معروفه بالجنوب لكنه تقريبا مقطوع من شجره , اسا انا عمري 26 وهو 21 عاما . وصار  شاب وما شاء الله علي , وحب بنت وبدو يحكي فيها ولما راح طابها واهلوها استفسروا عنا عرفوا انو هو مو ابنا ولما سأل حبيبتوا فالتلو انو لانو هو مش من عيلتنا واحينا تبنيناه , وزعل كتير منا وانتو بتعرفوا شو ممكن شاب يساوي لما يعرف حقيقة انوا كل حياتوا كانت كذب ..فتركنا وراح استأجر بيت وسكن مع صاحبوا وما بدو يفهم منا ايشي وانا اشتقتلوا وبدي احكي معو بس مش مسترجي اواجهوا ولا اهلي مسرجيين يقابلوه , واحينا منعاني من فراقوا ...كيف نوصلوا او مو قصدنا نكذب ..ساعدوني ...

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il