- ابرز ما جاء في الرسالة:

*  مشكلتي الوسواس الي براسي والي مو قادرة اشيلة من راسي

* انا كنت من ضمن 4 افراد من بنات صفي واخترنا الغرفة الي رح ننام فيها

* وفعلا كان ولد من اولاد صفنا بعتتة بنت صفنا ليدخل على الغرفة ليجيب المسليات وكم شغلة من شنطتها

*  فكان بدو يدخل الحمام صدفة وما كان حاسس انة في حد بالداخل وفتح علية الحمام وشافني بدون ملابس

* معنا اولاد صفنا الي هم متل اخوتنا وانا استغليت الفرصة بهالجمعة وقلت لأدخل اتحمم لأني كنت كثير تعبانة

* بينما انا اتحمم دخل شخص على الغرفة وانا حسيت فية لكن فكرتها وحدة من البنات وما خطر على بالي انة ولد من اولاد

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.
الرسالة هي التالي:
السلام عليكم لكل معقبين موقع العرب احلى موقع والله  انا والله ما عندي مشكلة مزمنة يعني ملازمتني , انا مشكلتي الوسواس الي براسي والي مو قادرة اشيلة من راسي, انا بنت بصف الحادي عشر مؤدبة ومبسوطة بحياتي وحلوة وعلاماتي بالمدرسة ممتازة وكسمي حلو وكل شي فيني عاجبني لحتى يوم من الايام قبل فترة طلعنا رحلة نوم نحنا وولاد صفنا بالمدرسة وبعد ما عملنا المسار تبع اليوم الاول وصارت السيعة متأخرة تقريبا 23:30 كل مجموعة تقسمت  لـ 4 او 5 افراد وانا كنت من ضمن 4 افراد من بنات صفي واخترنا الغرفة الي رح ننام فيها ووضعنا امتعتنا وخرجنا برا لحتى نسهر ونتسلى ..

صورة توضيحية فقط

وطبعا كان معنا اولاد صفنا الي هم متل اخوتنا وانا استغليت الفرصة بهالجمعة وقلت لأدخل اتحمم لأني كنت كثير تعبانة
وفعلا جهزت ملابسي ودخلت لغرفتنا ودخلت تحممت وبينما انا اتحمم دخل شخص على الغرفة وانا حسيت فية لكن فكرتها وحدة من البنات وما خطر على بالي انة ولد من اولاد صفنا ...وفعلا كان ولد من اولاد صفنا بعتتة بنت صفنا ليدخل على الغرفة ليجيب المسليات وكم شغلة من شنطتها وهو ولد كثير مربى ومؤدب والمدرسة كلها تشهدلة  فكان بدو يدخل الحمام صدفة وما كان حاسس انة في حد بالداخل وفتح علية الحمام وشافني بدون ملابس , طبعا بعدها على طول اغلق الباب ورجع
وبعد ما رجعنا من الرحلة كانت كل تصرفاتة عادية وما اهتم للموضوع كثير بس انا ضلو الوسواس يشتغل بعقلي كثير وقت لأنو بعمري ما كنت اتصور انة واحد غريب يشوف مناطق  حساسة من جسمي وخايفة انة يحكي لحدا وتطلع علية اشاعة وبضلني حاسة بأحساس غريب جواتي وماخدي موقف من الي حصل بتمنى ترشدوني للأريح راسي من هالوسواس الي ركب عقلي وشكرا لأحلى معقبين بالدنيا والسلام عليكم .
يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il