- أبرز ما جاء في الرسالة:

* بتتقدرش بثمن علاقتنا كثير مليحه وبحبها وبدي اياها عسنه الله ورسوله

* خنتها وبلحظه ضعف بتندم بليوم الف مره ومش قادر انسى خيانتي الها اللوم كلو عليه

* الخوف اذا اعترفتلها مش راح تصدق كلامي ومش راح تسامحني وترجع تحبني زي اول

* البنت حبتني من كل قلبها صح كان يصير مشاكل بينا بس نحلها ونرجع احباب وكانت تغار عليي كثير وانا نفس الاشي

وصلت الى موقع العرب رسالة من شاب يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية

السلام عليكم اخواني اخواتي المتحرمين بتمنى تنصحوني انا عم احكي مشكلتي لارتاح من تانيب الضمير واخفف من العذاب الي انا فيه انا شاب عمري 23 من المركز مشكلتي هي اني حبيت بنت اصغر مني ب3 سنين ما تتصورو قديش هالبنت مليحه ومحترمه وبتتقدرش بثمن علاقتنا كثير مليحه وبحبها وبدي اياها عسنه الله ورسوله.


صورة توضيحية

مشكلتي اني خنتها وبلحظه ضعف بتندم بليوم الف مره ومش قادر انسى خيانتي الها اللوم كلو عليه وما الها ذنب ظلمتها كثير وما بتستاهل كرهت نفسي كرمال غلط اتركبتو.. الخوف اذا اعترفتلها مش راح تصدق كلامي ومش راح تسامحني وترجع تحبني زي اول وراح اخسره للابد وانا اذا خسرتها الموت الي اهون لانو راح تكون الي خساره كبيره بمستقبلي وحياتي مش قادر اتصور بيوم تبعد عني وتكون لغيري! ومش راح اقدر اعيش بدونها انا تعبان كثير ومو مرتاح بلمره.

ضميري بعذبني ...
انا تبت واستغفرت ربي بس ضميري بعذنبي ومو مريحني وكلو بدا يلاحظ علي هلاشي البنت حبتني من كل قلبها صح كان يصير مشاكل بينا بس نحلها ونرجع احباب وكانت تغار عليي كثير وانا نفس الاشي مش عم برتاح وحياتي تغيرت صارت مره من بعد ما كانت حلوه بطلب من كل شاب بحب بنت يقدرها وما يزعلها والاهم ما يخونها لنو راح يتعذب كثير بحياتو ويعرف قيمه الا حبها، وبطلب من الله المغفره والتوبه والله يصبرني.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il