- أبرز ما جاء في الرسالة:

*احنا قرأنا الفاتحه وبلصيف راح نخطب بس المشكله انو صارحني خطيبي بانو كان بعلاقه مع بنت ثانيه وهو تركها

* واثقه منو لخطيبي وبحبو كثير لانو جد بحسسني دايما بحبو واهتمامو الزائد فيي وبهمو زعلي وكل اشي بخاف عليي وبغار بس مش لدرجه الشك بس بس مشكلتي مش قادره انسى كلامو

* سمعت راح تدمر حياتنا وتخليها تعيسه بس انا بامن بربي وبتكل عليه بس الناس ما بتامنلها والغدارين والمخربين كثار بس بدي احكيلها يا ريت تبعدي عنا وتنسينا وتشوفي حياتك

 وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية

 راح احكي مشكلتي وبتمنى منكو تساعدوني قدر المستطاع انا صبيه عمري 20 سنه بتعلم سنه اولى موضوع تربيه خاصه.. بخلال فتره تعليمي تعرفت على شاب بكبرني بسنتين فيه كل مواصفات فتى احلامي محترم خلوق قلبو طيب والاحلى انو صادق بمشاعرو اتجاهي وبصلي وبخاف ربو انا طبعا اول اشي رفضت فكره الارتباط لانو اخلاقي وعاداتنا وتقاليدنا بلعائله ما بتسمحلي احكي مع شاب وما بربطني فيي اي شيئ للحين... طلب مني نكون بعلاقه رسميه مع بعض رفضت قلتلو من الافضل نكون زملاء واخوه لانو انا ما بعمل علاقات بالسر ومن ورى اهلي وبخرج عن طوعهن وطوع امر ربي وافق طبعا وقلي مستعد اجي اتقدملك لانك البنت الا حبها قلبي ورتحتلها كثير .. اقنعني بكلامو وحكتلو انا راح احكي لاختي لكبيره هي توصل بطريقتها لاهلي لانو صعب صارح اهلي بهلشيئ مع انو جريئه وشخصيتي قويه بس بهيك مواقف صعبه فيها احراج وتلبك وبضعف حكيت لاختي وحكت بلبدايه لأمي وافقت وانا ردتلو جواب بانو يجي هو واهلو بعد بجمعه اجا هو واهلو والحمدالله يعني طلعو ناس بنضرب فيهن المثل الاعلى ناس آوادم ومحترمين انا وافقت واهلي وافقو اسا احنا قرئنا الفاتحه وبلصيف راح نخطب بس المشكله انو صارحني خطيبي بانو كان بعلاقه مع بنت ثانيه وهو تركها لانو كانت تسببلو كثير من المشاكل وكانت تحكي مع شباب دون علمو( خانتو وجرحتو ) وخسرتو كثير من الاموال كانت تستغلو لمصلحتها وحكالي انو طلعت من حياتو شيلي وبطلت تعنيلو بأي شي.

صورة توضيحية

انا واثقه منو لخطيبي وبحبو كثير لانو جد بحسسني دايما بحبو واهتمامو الزائد فيي وبهمو زعلي وكل اشي بخاف عليي وبغار بس مش لدرجه الشك بس بس مشكلتي مش قادره انسى كلامو ومش قادره انسى انو كان بعلاقه مع بنت ثانيه وتركو الافكار وبتراودني ومش قادره اتغلب عهلاشي يمكن مش بأيدي غصبن عني بس هاي الا بصير وسمعت من بنات انو بتحاول ترجعلو وهو ما بدو اياها بلمره كرها لانو انسانه انانيه وحقوده خايفه هلاشي ياثر عحياتنا وخايفه تآزيني وتسببلي المشاكل بلمستقبل لانو سمعت راح تدمر حياتنا وتخليها تعيسه بس انا بامن بربي وبتكل عليه بس الناس ما بتامنلها والغدارين والمخربين كثار بس بدي احكيلها يا ريت تبعدي عنا وتنسينا وتشوفي حياتك اذا بترضي لحالك الشر ما ترضي لغيرك واذا بترضي بالذل الله بيرضاش احكمي بعقلك وتغلبي عقلبك قبل ما تنفذي اي عمل بضرك والله يستر عليكي ويبعتلك ابن الحلال الا يملى حياتك هاي هييه مشكلتي وبتمنى منكو تساعدوني وتفهموني وبترجاكو بلاش استهزاء انا كاتبه المشكله لاستفيد منكو وادلي بنصائحكو وعنجد بتشكركو كثير ولطاقم كل العرب دمتم للعرب ذخر وعطاء دائما ... تحياتي

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il