- أبرز ما جاء في الرسالة:

* امو تقلو طبق نيعك واسكت وانا بس اسمع واطلع بأهلي قلتلن بدي اترك ابوي لاول مره بضربني ومنعني عن التعليم تمنيت الموت على العيشه المقرفه

*  بعد اصرار ابوي واعمامي انجبرت اوافق وانا بكرة الشب وما بحبو حاولت احبو والله ورضيت وقلت يمكن هاد نصيبي بس اشي بجنن شخصيتو معدومه ما الو كلمه

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة هي التالية:

اول شي يعطيكو العافية " لطاقم العرب وللمعقبين والمعقبات "
بدي اطرح مشكلتي باختصار بس بطلب منكو عدم التجريح بالتعاليق
انا بنت 20 سنة من الشمال مشكلتي بلشت مع بداية ربيع 2009 لما تقدم شاب لخطبتي
كنت يوما بشغل بعد ما روحت نادى علي ابوي وسألني : اسمعي انتي بتعرفي حدا او الك علاقه مع حدى احكيلي وانسي اني ابوكي؟ سألتو لا ليش ؟ قالي لانو كل ما يخطبك شب بتقولي لا لي بدي افهم .؟ قلتلو لا يابا والله ما بعرف حدى والله بشهد على حكيي فقلي في شب متقدملك وانا موافق و اهلي موافقين يعني دار سيدي المهم التلهن انا اسا مش معنيه ارتبط لانو ادمي شغلات كتيرة واهمها اكمل تعليمي انا بتعلم معلمه بدار المعلمين ومش ناقصني شي الحمدلله بس حد يشوفني بقلي سبحان الي خلقك مكملي من كل شي بس ما بهمني .

صورة توضيحية

المهم بعد اصرار ابوي واعمامي انجبرت اوافق وانا بكرة الشب وما بحبو حاولت احبو والله ورضيت وقلت يمكن هاد نصيبي بس اشي بجنن شخصيتو معدومه ما الو كلمه اكتر من مرة خواتو الصغار شو يعني صغار عمرهن 16 و 14 صبايا ببهدلو قدامي وامو كمان تقلو طبق نيعك واسكت وانا بس اسمع واطلع بأهلي قلتلن بدي اترك ابوي لاول مره بضربني ومنعني عن التعليم تمنيت الموت على العيشه المقرفه ما كان قدامي الا البلفون والمحاشيف واضيع وقت يمكن انسا وهون صار معي شي اصعب تعرفت على شب علقتو فيي مش عن قصد فكرت انو بنضيع وقت صحيت لقيت حالي لاول مرة بعيش قصة حب حبني كتيير وانا حبيتو اكتر حاولت ابعدو عني ما قدرت كنا نبعد ونرجع لانو في شي بربطنا هاد الشي اقوى منا والله بشهد انو الحب طاهر غير سلام باليد ما كان . سأل عني بالبلد والخبر وصل لاهلي وامي بتعرف اني بحب هدا الشخص وابوي عرف انو هادا الشب ادمي ومستقر من كل النواحي عفكرة انا اول ما عرفتو صارحتو بكل شي عن الخطبه الغصب والاكتر انهن كتبو كتابي علي خطيبي وانا اليوم حبيبي ما تركني بعدو معي لانو وعدني وعد شرف ما يتخلى عني وخطيبي بعدني كاتبة الكتاب بس لا بحكي معو ولا بيجي عنا وخطبني بس عشان ياخد معاش من الجيش لانو جندي وامو هيك بدها لانو لما خيرتني بينهن وبين اهلي اخترت اهلي والاحسن انو ابوي ندمان كتيير وعرف اديش ظلمني تعباني لانو ما خطيبي ما بدو يترك عشان ما يخسر المهر بس حكيتلهن انا بتنازل بس نتخلص وهو وامو رافضين لانا امو حكتلي انتي بتتنازلي بس احنا لا ادفعيلنا انتي المهر وخدي حريتك . ملعون ابو المصاري احنا الي بنعملها ولا مرة المصاري بتعمل زلام . بس يصلني حكي انو بقولو عني خليها هيك مزتوته بقدر اتجوز من الصبح ول لهدرجه ما بهتمو ببنات الناس تعبت بس الي مهونها انو حبيبي حدي. بس احكولي شو رايكو وشكرا
وانا متأسفه ادا طولت عليكو بس عنجد بس فضفضت تريحت شواي بتمنالكو حياه بعيده عن المشاكل .... موقع العرب ارجوو ان تنشروها بتمنالكو دووم التقدم والنجاح

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي:alarab@alarab.co.il