- أبرز ما جاء في الرسالة:

*  الشخص اللي تزوجته اكبر مني ب22 سنة مش عارفه ليش قبلته بس كل الناس مدحوه

* مبين انسان راقي ومنيح  الكل بقريتي قالو لي اتركه انت حلوه كتير وبتستاهلي احسن منو وما سمعت كلامهم كنت مخدوعه فيه

* وهو ما نجح بالامتحان لرخصة الطب ولما اقله ادرس بقلي ان ما بدي اشتغل دكتور بدو يضل قاعد بالبيت وبشتغل اعمال حره

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الى زوار العرب الكرام عندي مشكلة وبدي تساعدوني انا متزوجة من 3 سنوات عمري 21 سنه يعني تزوجت صغيره كتير لما كان عمر 18 المهم الشخص اللي تزوجته اكبر مني ب22 سنة مش عارفه ليش قبلته بس كل الناس مدحوه وهو كان مبين انسان راقي ومنيح  الكل بقريتي قالو لي اتركه انت حلوه كتير وبتستاهلي احسن منو وما سمعت كلامهم كنت مخدوعه فيه ولما تزوجته اكتشفت كتير شغلات  منها انو كان خاطب قبلي مرتين وما قال هالشي وغير هيك كان يحكي مع البنات على التلفون والمصيبة انو كان يحكي مع وحده متزوجه هاي الوحده كانت خطيبته وتركها.

صورة توضيحية

ولما تزوجت رجع يحكي معها واتفق معها تطلق جوزها ويرجعو لبعض بس ابوها ما خلاها تتطلق انا لما عرفت هالشي جن جنوني ومش بس هيك من يوم ما تزوجته وهو بيحكي عن حبه الها وما اهتم بشعوري ولا مره وغير عن هيك قال انو دكتور وهو ما نجح بالامتحان لرخصة الطب ولما اقله ادرس بقلي ان ما بدي اشتغل دكتور بدو يضل قاعد بالبيت وبشتغل اعمال حره ورح تتفاجئو اني سامحته على ماضيه على اساس انو انا الي فيه بعد تزوجته لكن هو ما بدو يحافظ على بيته فاكتر من مره بشوفه بيحكي مع بنات على المسنجر! نجر وبطلب منه انو يبطل هالشي لكن لا حياة لمن تنادي على الفاضي وهدا وغير عن علاقته بزوجة اخوه اللي ما بعرف شو بينهم بتكون تتدلع عليه كانو زوجها ومش بس هيك بتضلها تبعت بناتها عنا كانهم بناتو وبتضلها تتصل عليه وتطلب من طلبات هي معلمة مدرسة بس سلوكها مش مزبوط هي من جت استغربت منها على تصرفاتها المهم انا بفكر انفصل عنه بس عندي طفلتين مش عارفه شو اعمل ارجو انكو تساعدوني.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي :alarab@alarab.co.il