وصلت الى موقع العرب رسالة من شاب يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

بدي تساعدوني ...انا شب بصف ال 12 حبيت بنت جيلي منذ دخولي للصف السابع وطال حبي لها لحتى هذة اللحظة يعني صرلي بحبها 5 سنوات وبعشقها ولما اشوفها قلبي يوقف عن العمل ^_^ وما اقدر اعمل شيء . في المرحلة الاعدادية لم تكن بصفي وكنت بشوفها بالاستراحة وحبي الها كان يكبر يوم بعد يوم ولما كنت بالثانوية بالصدفة كانت بنفس صفي والشيء الي جعل علاماتي كلها تتدهور وتنزل ...تخيلوا كانت لما تكتب بنص الامتحان اترك القلم واجلس اطلع عليها , كل حياتي صارت بأسمها حتى اني ولد وحيد لأهلي وقبل 3 اشهر امي جابت بنت وسميتها على اسمها من شدة حبي الها ... ما بعرف شو اعمل 5 سنين من الحب وانا مش عم بئدر اني اعبر لها عن حبي تجاهها وغير هيك هي ما بتحكي معي كثير كأولاد الصف والشيء الي مخليني متردد اني اصارحها هو انو انا مع اني شكلي كويس بس انا شوي سمين والشيء الي مخليني اتردد وانا كمان 4 سنوات مقبل ! على الزواج وحاببها تكون شريكة حياتي ... بس خايف انها ترفضني وانا اقسمت بالله العظيم اذا ما بتكون من نصيبي فما رح اتجوز كل عمري ...شو بتقترحوا علية اني اعمل ...الرجاء بدون سخرية وبدي تعقيبات على مستوى كويس وتعقيبات تفيدني . وشكرا سلف

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il