وصلت الى موقع العرب رسالة من شاب يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

انا شاب عمري 18 سنه من الشمال مشكلتي مع ابوي كبيره كتير ومش عارف القيلها حل كنت اتعلم بالثانويه بصف 11 قام ابوي اطلعني من المدرسه مع العلم اني كنت شاطر كثير واسا بشتغل بمصنع قريب حدنا بالبلد راتبي بوصل 4500 شيكل بس عالفاضي لانو ابوي بخذهن وبصرفهن على شهوتو وعلى السكر والعربده بس انا بقلو باخذ 3000 شيكل وبضل معي 1500 بعطيهن لامي تصرفهن عالبيت لانو كمان ما بصرف عالبيت وكمان هو بشتغل بس كلو بصرفو عحالو...مره قلتلو بدي اتعلم رخصه سياقه قام صار يصيح شو بدك فيها بس انا فهمت انو عشان المصاري وفرت حق رخصه السياقه سويت رخصه بدون ما يعرف بس اخذتها عرف ما حكا شي ..بعد فتره قلتلو بدي اشتري سياره كمان صار يصيح كمان وفرت حق سياره بسيطه واشتريتها بعدين عرف ابوي راح باع سيارتو واخذ سيارتي ..بس اطلع من البيت بصير يصيح بس اروح عند دارعمي كمان بعصب بدو يضل حابسني بالبيت مع كل هاد الي بساوي انا محترمو كثير كثير ولا مره رديت بوجهو حكيت مع اعمامي ماقدرو يعملو شي لانو اكبر منهن بعدين رحت عند خالي كمان ما غدر يعمل اشي.. عندي اخو صغير عمره 10 سنين واخت 12 سنه انا الي مريبهن باذات اخوي لاني بديش يطلع زي ابوي ...مش عارف ليش هيك بصير معي مع انو انا الحمد لله بصلي وبصوم وما بعمل شي غلط وكل الناس بتحبي وبستغربو بس يعرفو اني انا فلان ابن فلان..جد بطلت العيشه تنطاق بطل الي نفس اروح علشغل بس شو بدي اساوي انا رضيان بنصيبه والحمد لله

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il