وصلت الى موقع العرب رسالة من سيدة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية..

الرسالة هي التالية:

مرحبا انا سيده من المثلث عمري 22 سنه والله رزقنا صبي والحمد لله وانا سيده جميله وما بينقصني شي الا اهتمام زوجي فيني انا مع العلم مجوزه من عمر 18 سنهو كتير بحب جوزي وابني . مشكلتي بالزبط هيي انو جوزي ما بيهتم فيي من ناحيه كلام حلو وغزل متل باقي المتجوزين لانو صدقوني انو المره بتحب تسمع كلمه حلوه من جوزها وكمان من ناحيه لبس متلا ازا لبست شي ما بيهتم ازا حلو ولا مو حلو وازا غيرت اللوك ما بيهتم و ما بينهز مع العلم اني كتير بحاول لفت انتباهو بس لا حياه لمن تنادي حتى انو وقت النوم بلبسلو ملابس مغريه بس ما في حد هون جربت كل الطرق وما في حل بتمنى انكو تساعدوني وما تجرحوني بالرد لانو انا كتير مليت من هاي العيشه البارده ما الها طعم ولا لون وحتى اني كتير بجرب انو احاكي غيرو وهو بيعرف لاني كتير بهددو لحتى يغار عليي مع انو ما بينهز ولا بيهتم وكمان انا ما بعملها ومستحيل اعمل هدا الشي لانو ضميري وديني ما بيطاوعوني وكل ما فكرت بهادا الشي بروح بقرا بالقران لحتى الله يهديني وصدقوني انو انا مو منقصه عليه اي شي وكمان انا بعرف انو ما في بحياتو حد تاني ومتاكده ميه بالميه بس لو اعرف ايش اعمل؟!

موقع "العرب" يوجه عناية الزوار الى انه بامكانهم ارسال مشاكلهم وتساؤلاتهم الى الموقع لاخد رأي الزوار فيها على alarab@alarab.co.
كما ويتوجه موقع العرب الى المعقبين الكرام الامتناع عن السب والشتم والتجريح العنصري والتعقيب بصورة موضوعية ومهنية ومناقشة القضية بإحترام مهما كانت صعبة، فصاحب القضية يكتب لموقع العرب طالباً المساعدة والنصيحة من زواره ولن نقدم المساعدة له بإستعمالنا الكلمات النابية والالفاظ البذيئة.