وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية..

انا فتاه ابلغ من العمر 16 ونص لقد وقعت في مشكله وحابه احذر الكل منها وخصوصا البنات يلي قلبهن طيب متلي وما بتعقدو انو الناس وحوش وغداره قبل سنه ونص صارت معي مشكله ولانو كتير انخنقت مش قادره اسكت اكتر حبيت احكي واكسر حاجز الصمت يلي صار معي هوي هيك: حبيت شخص وهوي حكالي انو بحبني كالعاده ببلش في الحكي الحلو ويغريني في حكيو علشان يحبني تعرفت عليه بالصدفه كان يجي يبيع حلو او يعمل حالو يبيع حلو بس كان يجي يتصيد بنات ويروح صار مره على مره يجي ولما تكررت جياتو ولما صار يقف على باب البيت ويستناني اطل عليه فكرت انو بحبني وانا انزلت كنت جاهله وما كنت مجربه الحب من قبل طلب مني رقم التلفون اول اشي ما اعطيتو بس لما ضل يجي هيك ويوقف خفت الناس تحكي اجيت اعطيتو عشان افهم منو شو بدو لما اتصل صار يحكيلي عشان يضل يحكي معي انا بدي حكي لاهلي وبدي اخطبك كالعاده عشان يوقوعوا الوحده فيهن انا صدقتو حكينا مع بعض لمده 8 اشهر تقريبا وبعدين في من الايام اتفقنا نطلع الصبح وبعدين يوصلني على مدرستي عادي وطلعنا ويا ريت ما طلعنا بس وحيات اله والله العضيم والقران ما غدر يوخد مني اشي لاني ما سمحتلو ولما شافني هيك اخدني على المدرسه وبعدين بعد اسبوع اتصل بحكيلي شوفي انا اهلي بدهن يوخدولي من العيله مابدهن من برا العيله ههه هاي الجمله كتير بحكو الشباب الكزابه عشان يتخلصو من الوحده ولما حكا هيك بعت صاحبو يتصل في وانا ما كنت اعلاف انو صاحبو يلي بتصل بس كنت حاسه وبلشتت ابهدل في صاحبو ما اعطي وجه ولما شافني هيك حكالي كل اشي وحكالي عنو كتير واعترفلي عنو انو مش بس معي هاد مع كل وحده هيك بعمل وانا اصغر وحده كان متعرف عليها وما قدر علي صاحبو كتير انسان محترم وساعدني كتير وهوي يلي خلالي مل في الحياه وانا لحد اليوم بحكي مع صاحبو في بينا حب بس ما في بينا انو متفقين على الزواج لا انا حبيت احكي مشكلتي ويلي صار معي عشان اوعي البنات يلي هيك بقعو من اول كلمه وانا تعلمت درس من تجربتي وبتمنى الكل ينتبه من هاي الشغلات بتمنا تعقبو وممكن توخدو الامر بشكل جدي.

موقع "العرب" يوجه عناية الزوار الى انه بامكانهم ارسال مشاكلهم وتساؤلاتهم الى الموقع لاخد رأي الزوار فيها على alarab@alarab.co.il

كما ويتوجه موقع العرب الى المعقبين الكرام الامتناع عن السب والشتم والتجريح العنصري والتعقيب بصورة موضوعية ومهنية ومناقشة القضية بإحترام مهما كانت صعبة، فصاحب القضية يكتب لموقع العرب طالباً المساعدة والنصيحة من زواره ولن نقدم المساعدة له بإستعمالنا الكلمات النابية.