وصلت الى موقع العرب رسالة من شاب يطلب ارشاد ونصيحة زوار موقع العرب الكرام.
موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية..

الرسالة هي التالية:
انا شاب من الشمال عمري 26 سنه انا ما عشت طفولتي كيف لازم انا تعزبت كتير وذقت طعم الذل انا لما كان عمري 9 سنين ماتت امي تعذبت كتيلا ني كنت بحبها كانت حنونه كتير علي بعد 7 سنين ابوي تجوز وحده تانيه انا طبعا ما عارضت هاي الجيزه لانو من حقو يعيش ما حبيت اقف قدام سعاتو بس اتزوج ابوي عشت كمان مره بعزاب مرت ابوي تقول اني بعمل اشياء غلط معها وبطلع عليها دايمن انا ولله ما عملت شي م هاد كلو بس ابوي صدقها وكزبني وساعتها ضربي ضرب ما حدا يستحملو اخر اشي عرفت انو مرت ابي بدها تحاول تتردني من البيت بأي وسيله كل يوم تهمه جديده كل يوم قلته جديده ما تحملت ورحت هربت برا البيت لانو ما قدرت استحمل العذاب قلت بلكي الله يفتحا بوجهي واعيش بكرا حياه احسن رحت دورت على شغل اشتغلت سنتين وجمعت شويت مصاري عملت فيهن رخصه واشتريت سياره على قدي وصرت انام فيها محل ما انام بالشوراع بعد هالسنتين طرودني لاني عملت مشكله صفت من دون شغل ما معي مصاري خلص عرفت اني ضعت اخر شي ياست عالاخر لحد ما عرفني واحد على واحد يمكن يساعدني رحت لعند هداك الشخص قلي اه بدنا شغليه انا انبسطت كتير بس لما قلي انو الشغل مخدرات وسلاح بطلت اعرف شو بدي اقول فكرت شوي ولقيت انو يا هاي الشغله يا الموت بالشارع حكيت للمعلم كيف وضعي قلي في اختبار ازا تعملو تصير من العصابه وافقت اول تهريبه الي ونجحت وصرت فرد من عصابت مافيا وانا اسى صالي معهم 7 سنين وكبرت مكانتي بين العصابه وصار عندي الي فرقه خاصه الي يعني انا بقودهم ابنبسطت كتير من الشغل مع انو كان خطر والمت باي لحظه بس كان معي مصاري عملت ثروه وعندي احلى قصر بيت واسى بس فكرت اتجوز طلعت المشكله قدامي مين يجوز بنتو لزلمت مافيا ما لقيت حدا يعطيني ما بعرف شو انا مش عارف ليش خلصت بهاي الدنيا بس للعزاب فكرت انو راح انبسط بقيت عمري بس كنت غلطان شو اعمل ساعدوني انا ما الي صحاب الكل صارو بهربو مني ما في حدا بحيكلو همي حبيت اني احكي الكو بلكي يخف الحمل عن صدري شو رايكو بمشكلتي هاي تفتح من جهه تسكر من جهه ساعدوني ما بعرف شو اعمل شكرا كتير الكو

موقع "العرب" يوجه عناية الزوار الى انه بامكانهم ارسال مشاكلهم وتساؤلاتهم الى الموقع لاخد رأي الزوار فيها على alarab@alarab.co.il

 كما ويتوجه موقع العرب الى المعقبين الكرام الامتناع عن السب والشتم والتجريح العنصري والتعقيب بصورة موضوعية ومهنية ومناقشة القضية بإحترام مهما كانت صعبة، فصاحب القضية يكتب لموقع العرب طالباً المساعدة والنصيحة من زواره ولن نقدم المساعدة له بإستعمالنا الكلمات النابية.