موقع العرب وصحيفة كل العرب - الناصرة
|
وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.
الرسالة هي التالية: |
السلام عليكم ورحمة الله وبركاته , بدي احكيلكوا قصتي ...انا فتاة عمري 16 سنة . ما بعرف يمكن تقولوا إني بعدني صغيرة على هيك قصص ... بس قصتي هي هيك أنا بحب شب من ضفة اكبر مني بكم سنة وعلاقتنا صرلها مبلشي سنة ونص , وأهلي بعرفوا إني بحبو وانو بحبني وبدنا بعض وغامرنا كتير بقصتنا... وهو شخص كتير واعي وروعة وكل واحد عرفوا حكا هيك وكمان طلبني من أهلي كتير بس رافضو عشان لساتني بالمدرسة , أما هما مش معارضين علي ... وكنا نحكي مع بعض كتير كتير بس اسا بطلنا عشان حرام بس مو المشكلة انو من الضفة ولا عشان بحكيش معا .. لع عادي لأنو بالأول وعلى تالي راجعين لفلسطين ... وكمان إذا حكيت معا ولا محكيتش هذا الاشي بقريرليش إذا هو راح يكون نصيبي .. بس بدي أستشيركم بشغله كمان سنتين راح يرجع يطلبني , بس قبل شهر عملت فحص دم وطلع نوع دمي نفس نوع دموا .. مع انو حبيبي مش معارض على قصة دم ...وانا كمان مش معارضة بس بنفس الوقت أنا ما بدي ابني سعادتي على سعادة ولادي .. لأنو بعرف إذا كان نوعية الدم نفس شي بطلع مرات اشي بالولد مش منيح .. وكمان ما بدي بيوم من الأيام يتندم انو أتجوزني ! أنا بدي رأيكم بهاي شغله .. متأسفة عشان طولت عليكو وبتمنى محدا يعقب تعقيب استهزاء او بجرح .. وشكرا لكم
موقع "العرب" يوجه عناية الزوار الى انه بامكانهم ارسال مشاكلهم وتساؤلاتهم الى الموقع لاخد رأي الزوار فيها على alarab@alarab.co.il
