وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة هي التالية:
السلام عليكم ورحمه الله وبركاته ... انا صبيه من الشمال عمري 19 سنه والحمدالله رب العالمين مع عائله محافظه وسمعتها منيحه بلبلد انا بعلاقه مع شب بكبرني بسنتين وهو من بلد تانيه علاقتنا الحمدالله شريفه ومبنيه عاساس الزواج وبناء مستقبل ناجح ..... الشاب ناوي يجي يتقدملي وهو هالسنه راح يبلش ياسس حالو ويعمر هو اسا عم بشتغل اهلو بعرفو بعلاقتنا وانا خايفه من المستقبل ومن رده فعل اهلى لانو اهلي ما بآمنو بهيك حب وكيف بدايتو . . هو دايما بفاتحني بموضوع الخطوبه وانا برفض وباجل ما بعرف في اشي بمنعني اقول لا مع اني اقسم بالله حبو الو اقوى من كلشي وما بقدر ابعد عنو وهو ذات الاشي بس مش عارفه ليش دايما في اشي جواتي بخليني اقول لا وبرفض بلوقت الحالي وهو واهلو مصرين يجو عنا ما بعرف شو السبب (وكل مره بطلع حجه شكل انا ) وخايفه كثير من المستقبل والشاب كثير منيح واي بنت بتتمناه فييو كل المواصفات وشاب خلوق ومحترم جدا وهدفو الستره والجواز وتكوين العائله ومستعد يضحي ويعمل المستحيل عشاني وزعلي عندو بدنيا كلها ما تتصورو اديش حبنا قوي وصريح ... بتمنى ترشدوني وتعطوني نصايح مهمه وبتمنى وبتامل بلا سخريه واستهزاء كل واحد يحط محلو مكان الاخر .. وبشكر كثير اجمل وارقى موقع كل العرب وطبعا زواره ودمتم بصحه والعافيه وشكرا الكو.. بتمنى تنشروها ..

موقع "العرب" يوجه عناية الزوار الى انه بامكانهم ارسال مشاكلهم وتساؤلاتهم الى الموقع لاخد رأي الزوار فيها على alarab@alarab.co.il